Pazos de Borbén realizará o seu desfile de carnaval infantil telemáticamente

Os participantes deberán envíar unha foto ou vídeo curto disfrazados por mail ou whatsapp antes do 15 de febreiro”
O Concello de Pazos de Borbén presentou esta mañá a súa desfile de carnaval infantil. Un evento que todos os anos realizábase no pavillón de deportes e que este ano se fará de forma telemática pola pandemia. Para participar só haberá que mandar unha foto ou vídeo curto, de non máis de 20 segundos, ao 630 292 764 ou ao mail concello@pazosdeborbén.org antes do próximo día 15.
Como sucedía na celebración do pavillón de deportes, cada participante empadroado recibirá un agasallo acorde á súa idade. Ademais, as fotos e vídeos recibidos serán publicados nas redes sociais do Concello de Pazos de Borbén o día de carnaval. Para recibir máis información os interesados poden dirixirse á Casa do Concello no 986 497 035.
O alcalde de Pazos de Borbén, Andrés Iglesias, destacou que “estamos pasando os momentos máis difíciles da pandemia, por iso agora é máis importante que nunca manter o bo humor e o ánimo propios destas datas, especialmente para os máis pequenos da casa”, finalizou o rexedor.