• O máis estraño do día é que tras tentar o goberno de Xuntos sacar o concurso da Escola de Música, decatáronse de que despois de 20 anos non estaban aprobadas as bases reguladoras polo anterior goberno e tiveron que levalo hoxe a este pleno extraordinario.
Empeza o mes de setembro no concello de Vila de Cruces coa celebración dun pleno extraordinario que contou con 4 puntos na orde do día.
O 1º punto era para dotar de crédito ao Plan Concilia que saíu a diante por unanimidade.
O 2º punto era para dotar de crédito unha fase do plan Renove das luces led do concello de Vila de Vila de Cruces, onde os grupos da oposición abstivéronse e foi aprobado cos votos do goberno de Xuntos.
O 3º punto do día tal vez fose o máis polémico, porque se trataba de levar a aprobación do Regulamento da Escola de Música de Vila de Cruces, que polo visto estaba sen aprobar polo anterior goberno do PP, e sen o cal non se podía sacar o concurso ao estar todos estes anos funcionando irregularmente, algo que o concelleiro Julio López recriminou á oposición do PP, xa que é unha autentica vergoña e deixamento por parte do PP que tendo maioría absoluta non o aprobasen en pleno dende hay 25 anos, actuando irregularmente todos estes anos, é máis, obrigando ao goberno de Xuntos estes 3 anos a continuar facendo o mesmo que se facía antigamente, ao non ter constancia de que ese documento non estaba aprobado en pleno cando o anterior goberno do PP xa o deixara redactado pero nunca o aprobaron, e non foron advertidos por ninguén desde que chegaron ao goberno no ano 2019, e agora que se pretendía levalo a concurso público atopáronse con este problema, segundo Julio López “ se non chega a ser que quixemos sacar o concurso da Escola de Música, non nos decatabamos nunca, algo que me preocupa en exceso, xa que non sabemos que outras cousas terá escondidas polos caixóns o antigo goberno do PP das que nós non temos constancia”, un punto este que se aprobou por unanimidade de todos os grupos presentes, e que agora se pode continuar co procedemento para sacar a concurso A Escola de Música.
No último punto acordouse os festivos locais para o ano 2023 os cales se decidiu que sexan o 7 e o 8 de agosto, cos votos favorables de Xuntos e do PP e a abstención do BNG.
