O Concello de Pontecesures celebrará mañá sábado 7 de xaneiro as Festas de San Xulián 2023, festivo local no municipio. A xornada dará comezo ás 9:00 horas cun gran disparo de bombas de palenque, que dará paso a unha alborada por distintos lugares do municipio a cargo das agrupacións folclóricas Algueirada e Xarandeira.
A misa solemne na igrexa parroquial terá lugar ás 12:00 horas, con distintas actuacións musicais na Plazuela de grupos folclóricos. E, pola tarde, a partir das 20:00 horas terá lugar un concerto na Plazuela a cargo do Orfeón Voces Graves “Arousa” e a Coral Polifónica de Pontecesures.