Esta actividade contou coa presenza de numeroso público e foi organizada polo Sergas en colaboración co Concello da Lama.
A dietista-nutricionista Montse Torres protagonizou unha charla sobre “Alimentación saludable na diabete” que terá lugar no Multiusos da Lama organizada polo Servizo Galego de Saúde en colaboración co Concello da Lama.
Montse Torres comezou a súa intervencion ante un numeroso público entre o que estaba o tenente de alcalde, David Carrera, falando sobre a función que a insulina ten para transformar o sucre dos alimentos en enerxía. A insulina é unha hormona liberada polo páncreas como resposta á presenza de glicosa no sangue. Grazas a ela as células poden utilizar a glicosa como fonte de enerxía. Se non fai ben esta función, a glicosa acumúlase en sangue producindo hiperglucemia.
Para previr e mesmo revertir eses efectos, Montse Torres incidiu na importancia que a alimentación ten no proceso que sufren aquelas persoas afectadas pola diabete.
Despois da súa intervención abriu unha quenda de palabras para que puideran participar os asistentes á charla e favorecer a interacción co público para dar resposta a cuestións concretas que lle foron plantexando.