O investimento supera os 37.000 euros e reducirá o coste do alumeado público
O Concello de Vilaboa segue a traballar na mellora da eficiencia enerxética do municipio cun proxecto que implica a sustitución das luminarias actuais por outras led, de menor consumo, nos lugares de Alcouce (Figueirido) e Barciela (Santa Cristina de Cobres).
Nestes días comezará a colocación de 6 luminarias de alumeado público viario LED de 58W de potencias e outras 99 de 39W de potencia que se colocarán nos viais destes dous núcleos trala retirada das farolas actuais. Instalaranse nos postes existentes, renovando tamén parte dos brazos de ancoraxe e cun investimento que supera los 37.469 euros.
Esta actuación no Alcouce súmase á executada xa en Bértola, na Ramalleira, na Saxosa e na Rialiña onde as farolas obsoletas foron reemplazadas por luminarias LED reducindo o consumo e, polo tanto, o costo da iluminación pública para a administración local. Investimentos similares fixeronse tamén no resto das parroquias de Vilaboa.
Para César Poza, alcalde de Vilaboa, esta nova actuación supón un avance importante no proxecto de eficiencia enerxética que o goberno local prevé desenvolver en Vilaboa e que aparece recollido no Plan de Acción para o Clima asumido pola administración local. “Unha das nosas prioridades é adecuar as instalacións de uso público para mellorar a vida dos nosos veciños e veciñas e coidar o entorno municipal e nese sentido esta obra que imos acometer de inmediato é sen dúbida un paso adiante”.
