Hoxe no EcohotelNós tivo lugar o primeiro evento de Cociña Colaborativa organizado pola Fundación Baiuca Verdescente.
Esta iniciativa, que xorde ao fío do proxecto de Agricultura Social “A Miña Horta é Túa”, deu como resultado a creación dun Receitario Colectivo de Verán con tres produtos de tempada como grandes protagonistas: a cabaciña, o tomate e as xudías verdes.
Desde a Fundación, levan semanas recompilando receitas a través das súas redes sociais, que van desde a cociña máis tradicional á máis vangardista e de produto.
Hoxe foron os propios creadores e creadoras seleccionados das receitas máis destacadas os que se encargados de cociñalas en directo neste evento de Cociña Colaborativa, man a man co equipo de cociña profesional do Ecohotel Nós.
Un Receitario Colectivo que recolle a tradición e o bo facer dos fogóns dos nosos fogares e que chegou coa intención de perpetuarse no tempo, elaborando un receitario anual, e enxalzando diferentes produtos segundo a tempada.
