A Xunta do PP castiga ás veciñas e veciños de Ponte Caldelas recortando a nosa Sanidade Pública unha vez máis.
No centro de saúde de Ponte Caldelas hai, nestes momentos, un só médico en vez dos tres que tiña que haber. Unha situación que se está a vivir en Ponte Caldelas, ao igual que en moitos outros concellos do país, froito de 13 anos de insistentes políticas do PP na Xunta destinadas a estragar a sanidade pública.
A portavoz nacionalista en Ponte Caldelas, Sol Seoane, lembrou que até a Xunta do PP fixo ouvidos xordos todos estes anos ás advertencias que desde o ámbito da sanidade e desde o ámbito político se estaban a realizar sobre a posibilidade de colapso na atención primaria se non se adoptaban medias.
Coñecedores da situación non só non fixeron nada, senón que votaron en contra d proposta feita polo BNG no Parlamento Galego para aprobar un plan de 200 millóns para mellorar a sanidade pública, que permita contratar novos profesionais e dotar á atención primaria dos recursos suficientes para garantir unha sanidade pública galega de calidade, afirmou Sol Seoane.
“Estamos fartas -afirmou a portavoz nacionalista-. Queremos e esiximos unha sanidade pública en condicións. Basta xa de botar balóns fóra e non asumir as súas responsabilidades. É urxente un cambio de rumbo, porque a saúde é o primeiro, e con ela non se xoga”.