• O concelleiro delegado da área, Gregorio Agís (PSdeG-PSOE), participou este martes na inauguración do curso, que se prolongará durante seis meses con sesións presenciais e telemáticas
• Poio está en disposición de pechar o ano coa porcentaxe máis baixa de desemprego desde o ano 2006
O concelleiro de Promoción Económica e Urbanismo, o socialista Gregorio Agís, participou na mañá deste martes na inauguración o Proxecto VITA. Trátase dunha formación gratuíta pensada para persoas emprendedoras do municipio, a través da cal se busca ofrecer pautas e bases necesarias para consolidar negocios e proxectos propios, sostibles e eficientes, de xeito que se fomenta a creación de novas oportunidades profesionais. Durante a presentación do curso, que se prolongará ata o vindeiro mes de xuño, Agís lembrou que “cada vez hai máis veciños e veciñas de Poio que apostan por emprender”, de aí que sexan necesarias este tipo de iniciativas, “que redundan de xeito positivo na súa experiencia”. O edil do Goberno local tamén animou ás persoas inscritas a que resolvan calquera tipo de dúbida ou presenten propostas encamiñadas a reforzar este tipo de programas a través do departamento de Promoción Económica.
“Aspiramos tamén á creación dunha rede de emprendedores e emprendedoras a nivel municipal, que sempre pode resultar útil para a xente en busca de emprego”, engade o concelleiro socialista. O curso alternará sesións presenciais e telemáticas e estará importado pola doutora en Ciencias da Comunicación da Universidade de Vigo Carla d’Pont, que conta cunha ampla experiencia internacional en comunicación e ventas.
Ademais, participou activamente en comunidades de mulleres impartindo formación sobre negocios dixitais e marca persoal. Agís explica que o programa dividirase en diferentes fases, como son a implantación das bases do negocio online e a creación dunha marca, o desenrolo de visibilidade a través da aprendizaxe da escritura de articúlaos con nocións de SEO ou a resolución de dúbidas sobre o negocio de marca persoal mediante a creación de redes e conexións profesionais.
Redución do desemprego
Por outro lado, Gregorio Agís tamén valorou os últimos datos correspondentes ao desemprego no municipio, no que se continúa a consolidar unha tendencia á baixa con respecto a anos anteriores. Poio finalizou o mes de novembro cunha taxa do 11,1%, o que supón o índice máis baixo acadado nestas datas desde o ano 2006 (10,4%). O descenso é especialmente claro se se compara co inicio desde 2022, no que o número de persoas en situación de desemprego era de 1.000. “A falta de coñecer as cifras correspondentes a decembro, a redución con respecto ao comezo do exercicio é de máis do 12%, pasando a 878”, explica o concelleiro de Promoción Económica e Urbanismo.
Agís ten claro que “desde o Concello seguiremos a achegar iniciativas, propostas e ferramentas que axuden, dentro das nosas posibilidades, a consolidar esta tendencia e a continuar reducindo o desemprego entre a veciñanza, ben sexa reforzando a formación ou propoñendo programas en favor do emprendemento”.
