• O Partido Popular evidencia a situación crítica do comercio local
Esta última semana o concello de Tomiño recibiu o premio “Cidades que Camiñan 2022”, outorgado pola reforma levada a cabo no centro de Goián.
Desde o Partido Popular seguimos insistindo en que este proxecto desenvolveuse obviando a todos os axentes afectados polo mesmo, sen ter en conta as particularidades do espazo en cuestión ao que afecta e complicando o acceso dos usuarios da zona comercial. Cortar a principal arteria da parroquia provoca que a xente que antes acudía co seu vehículo para facer a compra de artigos primarios ou gozar dos servizos existentes, agora véxase obrigada a realizalo noutros destinos debido ao peche de portas executado pola alcaldesa Sandra González.
O resultado e os prexudicados da inoperancia do BNG son sempre os mesmos; perdas económicas por parte dos establecementos de toda a zona e nula activación comercial da que poidan beneficiarse os veciños da parroquia.
En definitiva, tanto comerciantes como usuarios destes negocios están a verse afectados por unha obra cuxo fin parece ser a recollida de premios triviais que carecen de utilidade para os veciños de Goián.
