• O tenente de alcalde Julio López congratúlase do gran compromiso desta comisión que estiveron esperando dous anos para poder celebrar esta festa.
No día de hoxe o tenente de alcalde e responsable de festexos do concello recibiu no consistorio á nova Asociación de Festas da Piedade 2022, formada polo seu presidente Cesar Mouriño, aos que acompañan Desi Montoto e Marcos López.
Julio López quixo agradecer a esta nova comisión no seu nome e no de todos os cruceños e cruceñas, o gran esforzo que teñen que realizar para poder levar a cabo esta festa, tamén aproveitou para agradecer a todas as asociacións que realizaron este mesmo traballo nos anos anteriores á pandemia e que sen o seu esforzo non se podería seguir levando a cabo esta actividade.
Á súa vez Julio López confirmou á nova Asociación de Festas Piedade 2022 que contan con todo o apoio do concello, máis se cabe nestes momentos que temos que practicamente empezar de cero tras unha pandemia que nos abateu durante dous anos, e lembra Julio López como no ano 2020 esta mesma comisión tería que encargarse de realizar a festa, (algo que se tornou imposible por mor das restricións da pandemia) quedando aprazada para o ano 2021, na que tampouco se puido gozar deste evento, por este motivo Julio López encomia persoalmente o traballo dos integrantes desta asociación que a pesar de pasar dous anos mantiveron o seu compromiso e toman as rendas para que todos os cruceños e cruceñas poidan novamente gozar da Festa dá Piedade 2022, conseguindo deste xeito a continuidade coas tradicións.
Luís Taboada e o seu equipo de goberno, agradecen aos integrantes da Asociación Festas Piedade 2022 o seu compromiso coa Vila e esperan e desexan que todos poidan gozar destas festas que terán lugar os días 6-7-8 de agosto de 2022.