As actividades ofertadas son pintura, memoria e ximnasia que darán comezo este mes.
O Concello de Salvaterra de Miño desenvolverá durante os próximos meses novos cursos para maiores de 65 anos que teñen como obxectivo promover o envellecemento activo e mellorar a calidade de vida ó mesmo tempo que fomenta unha vida saudable e independente.
Despois do éxito dos pasados cursos retómase esta iniciativa de carácter gratuíto con actividades que están enfocadas na aprendizaxe sen esquecer o importante que é a socialización.
Os cursos están dirixidos a aquelas persoas que teñan máis de 65 anos empadroadas en Salvaterra de Miño e darán comezo en marzo e remantando no mes de xuño. As persoas interesadas poderán optar os seguintes cursos: MEMORIA os mércores e xoves de 10:00 a 11:00 e de 11:00 a 12:00 na Casa da Cultura de Salvaterra, PINTURA os martes de 11:30 a 13:00 na Casa do Maior de Leirado e XIMNASIA os luns de 11:00 a 12:00 no Centro Cultural de Leirado.
As inscricións darán comezo o xoves 5 de marzo e rematan o 11 de marzo. As prazas son limitadas polo que as persoas maiores de 65 interesadas deberán realizar a inscrición por teléfono no 617189167 a través do correo electrónico animacion@concellodesalvaterra.org ou no departamento de Cultura do Concello de Salvaterra de Miño en horario de 09:00 a 14:00 horas.
