Home Pontevedra Baixo Miño Samara Mouriño e Jorge Bouzada, premiados polo seu esforzo e a súa...

Samara Mouriño e Jorge Bouzada, premiados polo seu esforzo e a súa superación persoal

- Anuncio -

Estes estudantes do IES Antón Alonso Ríos son dous dos 20 alumnos e alumnas de toda Galicia galardoados pola Xunta pola súa dedicación para superar diferentes dificultades

Samara Mouriño e Jorge Bouzada, estudantes do IES Antón Alonso Ríos, acaban de ver como todo o traballo realizado durante estes anos para superar diferentes dificultades tiña a súa recompensa. Samara e Jorge foron dous dos 20 mozos e mozas galardoados en toda Galicia co premio de Educación Secundaria Obrigatoria ao esforzo e á superación persoal, un recoñecemento ao seu sacrificio e á súa dedicación continua para deixar atrás dificultades persoais, educativas ou socioculturais.

Dous loitadores incansables que levan o esforzo persoal como bandeira, Samara e Jorge reciben así “un especial e merecido recoñecemento polo empeño demostrado ao longo da etapa de Secundaria para superar os obstáculos e en continuar co seu proxecto educativo cunha traxectoria que é exemplo para compañeiros e compañeiras en situacións similares e un orgullo para as familias e docentes”, como explica a directora do IES tomiñés, Cruz Garrido.

Samara e Jorge non baixan os brazos e continúan traballando arreo para seguir saltando calquera dificultade que se lles poña por diante. Unha vez rematada a ESO, ambos continúan os seus estudos en primeiro de Bacharelato no instituto apoiados polas súas familias “e coa admiración e cariño do resto de alumnos e alumnas e do equipo de profesores e profesoras do centro”. “Para o noso instituto é un orgullo contar con alumnado como Samara e Jorge, porque son un exemplo de que non debemos rendernos e de que con ganas, ilusión e moito traballo non hai meta que se nos resista”, salienta Garrido.

A alcaldesa de Tomiño, Sandra González, quixo trasladar os parabéns do Concello “a Samara e Jorge por este recoñecemento, pero tamén por ser quen de impoñerse a situacións complicadas con moito tesón, esforzo e traballo”. A rexedora tamén felicitou ás familias e ao propio IES Antón Alonso Ríos, porque “o feito de que no mesmo centro haxa dúas persoas ás que se concedera este premio é un mérito do labor conxunto entre o fundamental apoio familiar e a implicación e adaptación dos equipos docentes, que supón un importante respaldo para que nenos e nenas manteñan esa forza e empezo en avanzar”.

Relacionadas

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

59 días para a marcha cicloturista Sestelo-Clásica Álvaro Pino

0
O alcalde de Covelo e a organización da marcha reúnense para ultimar os preparativos A 59 días da celebración deste evento que recorre o Condado,...

Aprazado para o sábado 6 e domingo 7 o III Encontro de Viños da...

0
Mantéñense as actividades paralelas no edificio da praza da Inmaculada Debido á adversa previsión do tempo para  a fin de semana o III Encontro de...

Actividade de Fotografía e Natureza aprazada

0
A actividade de Fotografía e Natureza programada para o día 30 queda aprazada pola chuvia ata novo aviso.

Publicacións Relacionadas