O 7 de maio o bng fixo unha charla informativa na Armenteira sobre a situación da parcelaria cun interese enorme por parte da veciñanza e no cal deixamos claro a postura do bng; volveríamos a facer outra petición á Xunta de reactivación da parcelaria ou que se desafecten os terreos senón se vai levar a cabo.
O 7 de Xullo, por medio da nosa parlamentaria Montse Prado, presentamos no parlamento unha proposición non de lei para reactivar as concentracións parcelarias nas parroquias de san Martiño e Armenteira, concentración iniciada en 1999 e continuada no 2013 coa separación en 2 sectores independentes. Até o día de hoxe non se avanzou máis.
A día de hoxe aínda non tivemos resposta da Xunta, polo que Montse Prado estivo visitando terreos afectados na Armenteira, co portavoz do BNG de Meis, Xoán Manuel Vázquez, e con Serafín Melón, número tres da candidatura, para coñecer máis polo miúdo o problema, e proceder a presentar outra batería de iniciativas até lograr que se reactive a parcelaria ou se desafecten os terreos para que os propietarios podan volver a ter plena posesión deles.