Soutomaior forma a 60 veciños no manexo das biotrituradoras do seu programa de Compotaxe Doméstica

- Anuncio -

O ciclo permite acceder ao programa municipal de préstamo destas ferramentas
O Concello de Soutomaior finalizou esta semana o seu ciclo formativo para o uso de biotrituradoras de residuos agrícolas. O curso contou coa participación de 60 veciños integrantes do plan municipal de compostaxe doméstica que, a partir das próximas semanas, poderán solicitar a cesión dunha destas ferramentas a través do programa de préstamo posto en marcho polo Concello.
O curso tiña como obxectivo instruír aos participantes nos conceptos básicos de manexo e mantemento destas máquinas, prestando especial atención ao proceso de aceso, os compoñentes que integran a ferramenta e ao tipo e tamaño dos restos vexetais que se poden triturar.
Do mesmo xeito, o ciclo contaba cun módulo especial de seguridade co que os participantes aprenderon as medidas de precaución necesarias para o manexo deste tipo de maquinaria e que servirá para evitar posibles persoais derivados dun mal uso das mesmas.
O alcalde de Soutomaior, Agustín Reguera, explicou que con este novo curso aumentarase aínda máis o número de veciños adheridos ao programa municipal de préstamo de biotrituradoras, “o que axudará a que a compostaxe doméstica siga crecendo no municipio e será de gran axuda a moitos veciños para reutilizar os restos de pódaa, evitando así vertidos nos contedores e queimas que emiten CO2 e poden resultar perigosas”, finalizou o rexedor.