• Segundo o alcalde, Jorge Cubela, “os traballos leváronse a cabo por persoal especializado para garantir a idoneidade da actuación para conservar o patrimonio rupestre no municipio”
A empresa adxudicataria dos traballos de limpeza e acondicionamento do entorno dos petróglifos de Fentáns, San Xurxo e Santa María de Sacos finalizou xa a realizar os seus traballos de conservación das estacións arqueolóxicas da Laxe dos Cedros, Pedra das Ferraduras, Laxe das Rodas e Cernadelo.
Os traballos, que estiveron supervisados por arqueólogos especializados en arte rupestre, contaron cun orzamento total de 24.285,18 euros e permitiron actuar na conservación destes elementos fundamentais do patrimonio histórico de Cerdedo-Cotobade.
As actuacións comezaron a realizarse no entorno dos petróglifos da Laxe dos Cebros e Pedras das Ferraduras, en Fentáns, e fóronse ampliando ao resto de estacións de arte rupetre de San Xurxo e Santa María de Sacos despois de que o alcalde, Jorge Cubela, lograra unha cesión das comunidades de montes respectivas por espazo de 50 anos o que posibilita que se poida levar a cabo esta intervención de conservación e acondicionamento.
O alcalde, Jorge Cubela, Jorge Cubela salientou a importancia de que estes traballos se leven a cabo por persoal especializado para garantir a idoneidade e o coidado á hora de poñer en valor a arte rupestre no municipio co “obxectivo de limpar, acondicionar e mellorar o acceso do público aos petróglifos coa intención de facilitar as condicións de visita e posta en valor, así como previr, coa retirada da biomasa que os rodea, os efectos perxudiciais que os incendios forestais e outras agresións e actuacións incontroladas poidan ter sobre motivos e soportes”.
DOUS ARQUEÓLOGOS E TRES AUXILIARES DE ARQUEOLOXÍA
Para efectuar estes traballos os técnicos recomendaron a contratación dunha empresa especialista en arqueoloxía e un total de cinco sociedades participaron no proceso de selección que foi gañado por Emdesfor 2002 que depositou unha fianza de 1.003,52 euros e contratou a dous arqueólogos durante 15 días e a tres auxiliares de arqueoloxía durante un periodo similar para poder executar e supervisar estes traballos de conservación.
O entorno inmediato dos gravados rupestres seleccionados para esta intervención atopábase cuberto dunha mesta capa vexetal de monte baixo que deterioraban os petroglifos de aí que se decidira por parte do Concello de Cerdedo-Cotobade a iniciar esta actuación para a protección do patrimonio cultural e histórico poñendo o mesmo en valor e protexéndoo.
