• Segundo Taboada, agora vai resultar que se membros do tribunal renuncian por temas persoais vai ser culpa do alcalde, “era o que faltaba”
Luís Taboada quere saír ao paso dunhas declaracións realizadas polo portavoz do BNG Alejandro Fiuza, moi pouco acertadas e infestadas de nerviosismo.
Taboada defende a democracia por encima de todas as cousas, por iso con toda transparencia, realízase un proceso selectivo para unha bolsa de traballo, da que xa se realizou unha primeira fase, e na que solicitaron baixa do tribunal varios dos seus membros por motivos persoais, obrigando ao alcalde Luís Taboada a paralizar o devandito procedemento en varias ocasións.
En cambio, Alex Fiuza insinúa, que Luís Taboada debería de obrigalos a continuar, privándoos do seu dereito para decidir, coma se fosen otros tempos antigos, nos que se cubrían as prazas a dedo, ou se lle daban directamente a amigos, Taboada ve moi preocupado a Alex Fiuza por esta bolsa de traballo, ¿non será que ten algún amíguete para poder cubrir dita praza? Pregúntase o alcalde, senón non se entende este nerviosismo por querer terminalo canto antes.
Taboada lémbralle a Fiuza que este proceso xa concluíu unha vez con dous candidatos que despois de sacar a mellor nota, renunciaron á praza, polo que houbo que volver sacala de novo, e que Fiuza “fala por non estar calado” tentando manipular coas súas palabras aos veciños e veciñas de Vila de Cruces, vendo artimañas onde non as hai, xa que dita asesoría financeira xa traballou para o concello hai anos, e por suposto nesa época existía unha administrativa de Intervención e eran compatibles os dous como se pode comprobar, así que Taboada rógalle a Fiuza que se informe e que non estea tan nervioso antes de lanzar acusacións sen fundamento, coa única intención de facer dano. Tamén quere Taboada aconsellar a Fiuza de que no canto de preocuparse tanto por contratar a unha administrativa para axilizar o traballo para pagar e xestionar as facturas do concello, que se preocupe, ou máis ben que se ocupe de votar a favor nos plenos para pagar as devanditas facturas, que se por el fóra os provedores de Cruces, quedarían sen cobrar, “e despois di que se preocupa por axilizar o traballo” espétalle Taboada.
