• A pedimento do tenente de alcalde Julio López, Luís Taboada publicou un Bando Municipal co que se pretende actualizar esta base de datos que se atopa totalmente obsoleta.
Julio López revisando a documentación que obra no concello da base de datos de criadores do Galo de Curral de Vila de Cruces deuse conta de que non se actualizan estes datos en
décadas e é moi probable que moitos criadores non se atopen correctamente anotados nesta base de datos municipal.
Con motivo de ampliar esta base de datos e actualizalo, Julio López a solicitado ao alcalde Luís Taboada a publicación dun Bando Municipal no día de hoxe, para poñer en coñecemento de todos os veciños e veciñas de Vila de Cruces que estean interesados en figurar nesta base de datos municipal, un correo electrónico e un teléfono móbil para a súa comodidade á hora de dar a devandita información.
Julio López anima a todos os criadores/as do Galo de Curral de Vila de Cruces, que non dubiden en poñerse en contacto para ser incluídos nesta listaxe, xa que é a única forma que ten o consistorio de poder poñerse contactar con eles para que poidan participar nas próximas promocións, celebracións, subvencións e actividades que se realicen dende o concello, e poñan en valor ou noso produto típico de Vila de Cruces.
