Touriñan será o encargado de ler o pregón nas Festas de Ponteareas

As festas dos remedios darán inicio o día 8 ás 21:00h co pregón
A XV Feira Tradicional dos Remedios contará con postos de artesanía, oferta gastronómica, desfiles, actuacións musicais e obradoiros infantís
Anímase a todos os asistentes a acudir vestidos de época
O Concello de Ponteareas da o pistoletazo de saída ás festas dos Remedios coa lectura do pregón por parte de Xose Antonio Touriñán, o cómico galego coñecido como “Touri”.
Este ano celébrase a XV Feira Tradicional dos Remedios, que durante toda a fin de semana converterá a Ponteareas na vila que foi no pasado. Contará co mercadiño tradicional, con postos de artesanía e gastronómicos. Tamén se poderá desfrutar de obradoiros infantís, actuacións musicais da man das Bandas de Música do municipio ou a tradicional tirada de fogos.
Anímase a cidadanía a acudir vestidos da época e desfrutar desta feira tradicional na que a protagonista é a historia e o pasado da vila.
O programa das festas pode consultarse na páxina web do Concello.