• O alcalde xa ten programadas toda unha serie de reunións nas distintas casas do pobo para facilitar o acceso á información por parte dos veciños
Uns 80 veciños e veciñas de Carballedo e Rebordelo acudiron onte á primeira xuntanza veciñal celebrada no Centro Cultural Antonio Fraguas e que foi convocada polo alcalde de CerdedoCotobade, Jorge Cubela, para recoller as demandas e as solicitudes de alta para contar con fibra óptica en todos os domicilios do concello neste mesmo ano que agora comeza.
A esta xuntanza, o alcalde Jorge Cubela estivo acompañado polo tenente de alcalde Fernando Vázquez, o concelleiro Bruno Portela e a responsable de Movistar para a implantación da fibra óptica no municipio que foi tomando nota das propostas e indicacións dos asistentes, que resultaron moi participativos.
Despois de varias reunións con Movistar, o alcalde logrou o compromiso da empresa instaladora de que ao longo deste ano cubrirase o 100% da demanda de fibra óptica no municipio o que permitirá rematar cos problemas de illamento que algunhas poboacións mantiñan ata o de agora sufrindo un alto risco de sufrir unha fenda tecnolóxica.
OUTRAS XUNTANZAS VECIÑAIS PROGRAMADAS
-MÉRCORES 11: Casa do Pobo de Vilanova ás 20 horas.
-XOVES 12: Casa do Pobo de Viascón ás 20 horas.
-VENRES 13: Casa do Pobo de Sacos ás 19 horas e na Casa do Pobo de San Xurxo ás 20 horas.
-LUNS 16: Casa do Pobo de Almofrei ás 19 horas e na Casa do Pobo de Borela ás 20:15 horas.
-MARTES 17: Casa do Pobo de Corredoira ás 19 horas e na Casa do Pobo de Caroi ás 20 horas.
-MÉRCORES 18: Casa Cultural de Cerdedo cos veciños de Cerdedo e Figueroa ás 20 horas.
-XOVES 19: Casa do Pobo de Pedre ás 19 horas e na Casa do Pobo de Folgoso cos veciños de Parada e de Folgoso ás 20:15 horas.
-VENRES 20: Casa do Pobo de Tomonde ás 19 horas cos veciños de Tomonde, Filgueira e Vilalén e na Casa do Pobo de Quireza ás 20 horas cos veciños de Quierza e Castro.
-LUNS 23: Casa do Pobo de Valongo ás 19 horas e na Casa do Pobo de Loureiro ás 20:15 horas.
-MARTES 24: Casa do Pobo de Aguasantas ás 19 horas.
