O concello do Grove apela ao civismo da cidadanía. Solicita a súa colaboración á hora de utilizar os contedores
Desde o concello lémbrase que segundo a Ordenanza de Limpeza e Medio Ambiente: “queda terminantemente prohibido depositar lixo fóra dos contedores e, deixar mobles, electrodomésticos, colchóns, voluminosos… na vía pública”. De igual maneira, é preciso subiñar que existe un horario para botar o lixo entre as 20:00 horas e as 23:00 horas no inverno e de 21:00 -23:00 horas no verán, polo que fora dese horario estase incumprindo as normativas municipal producindo perxuicios innecesarios a todos os habitantes da zona en cuestión.
O día 29 de xullo denunciouse a tres persoas na illa da Toxa por deixar lixo na vía pública. Dita actividade está sancionada con 300 € de multa.
O feito de deixar estas bolsas na vía pública pode atraer a certos animais non desexados, afecta á saúde pública e favorece á dispersión nas nosas rúas de elementos relacionados co Covid-19 como son as máscaras. Esta problemática afecta tanto a residentes coma visitantes.
Recordar que calquera tipo de residuo voluminoso hai que depositalo no Punto Limpo que se atopa na Zapateira ou chamando ao número de teléfono 900.72.01.90 para unha recollida a domicilio totalmente gratuíta. No caso do Punto limpo o horario é de luns a venres de 17:00-21:00 e os sábados de 10:00-14:00 e de 16:00-20:00 horas. Unha vez mais apelamos a concienciación cidadá para que se depositen os residuos no seus colectores correspondentes creando unha imaxe adecuada do lugar e da cidadanía que alí vive. Por elo, agradecemos a colaboración por manter en perfectas condicións de salubridade o entorno no que vivimos.
