O alcalde trasladou o pésame da Corporación Municipal a familiares e amigos do clérigo falecido que exerceu máis de medio século o seu labor pastoral no municipio
Veciños do concello de Portas asistiron ao sepelio ofrecido por don Manuel Collazo, cura párroco de Romai que faleceu aos 82 anos de idade e que levaba exercendo o sacerdocio desde hai máis de 60 anos, a maioría neste municipio.
Os restos fúnebres de don Manuel Collazo, unha vez embalsamados, foron velados durante toda a xornada de onte na igrexa parroquial de San Xulián de Romai, onde hoxe tivo lugar o funeral de “corpore presente”.
Unha vez rematadas as exequias fúnebres, os seus restos mortais foron trasladados ata o cemiterio parroquial de Romai onde foi soterrado no panteón familiar.
O alcalde, en nome da Corporación Municipal e a veciñanza, trasladou a familiares e amigos do falecido o pésame e a consternación do pobo de Portas polo pasamento de don Manuel Collazo.