• Arbo é a Capital Mundial da Lamprea. Non existe constancia doutro pobo no mundo que teña unha tradición tan antiga e arraigada ao redor deste peixe ciclóstomo prehistórico e misterioso.
• Estamos en tempada da lamprea en Arbo: prepárase desde hai séculos e a que se captura a esta altura do Miño ten unha textura, unha cor e un sabor diferentes.
• En Arbo prepárase maxistralmente grazas á herdanza, xeración tras xeración, de receitas centenarias.
O Miño deunos identidade e tróuxonos a lamprea, o animal prehistórico que aparece na nosa bandeira e no noso escudo, e que foi sempre o elemento estrela da nosa mellor tradición culinaria. Foi nosa referencia gastronómica desde antes de que existise a gastronomía como tal, entendendo esta palabra como a arte que estuda a relación do ser humano coa súa alimentación e o seu medio ambiente ou contorna e ou segue sendo.
Foi xa nos dous últimos séculos onde apareceron as casas de comidas que preparaban a lamprea estilo Arbo, e foron as mans das cociñeiras e cociñeiros de Arbo os que souberon rescatar as outras formas de degustación, a lamprea seca, rechea, a empanada de lamprea para deleitar aos padais máis exquisitos.
Arbo espéralles cos brazos abertos. Os nosos restaurantes teñen sabores únicos, ofrecen comida tradicional con produtos da zona e viños de calidade. Por suposto, a raíña da mesa, a lamprea, non falta en ningunha carta – informa o alcalde de Arbo – Horacio Gil
A lamprea en Arbo é toda unha tradición. Preparámola desde hai séculos e a que se captura a esta altura do Miño ten unha textura, unha cor e un sabor diferentes. De potente sabor, a lamprea é un manxar que non deixa indiferente a ninguén. A mellor tempada para degustala é agora e o prato típico é “á arbense”, cociñada no seu propio sangue, pero tamén se pode probar a partir da lamprea seca outras elaboracións: rechea, guisada con fideos e tirabequees, frita, asada á brasa, en empanada…
A nosa gastronomía complétase cos mellores produtos da terra e, por suposto, cun bo viño. Cada final de verán, as nosas adegas recollen a uva de forma artesanal. O enoturismo é un dos nosos puntos fortes. O visitante goza tanto observando a vendima como catando un bo condado ou Albariño.
Horacio Gil, manifesta “En tempada, ata abril, tamén as nosas casas rurais serven lamprea no menú. O noso aloxamento de turismo rural é acolledor, accesible, conta con todos os servizos e está consolidado pola súa traxectoria e bo facer ao longo dos anos. Pero, sobre todo, gustaríame destacar a nosa hospitalidade e proximidade – Convídoos a pasar unha tranquila estancia en Arbo, relaxándose nunha das nosas encantadoras casas rurais tras un día de aventura, natureza, veu e boa gastronomía- acaba
En apenas tres meses, entre o 28 e o 30 de abril, celebrarase a sesenta e tres Festa da Lamprea en Arbo, e este ano celebrarémola de maneira máis especial porque somos festa de interes turistico Internacinal.
