“UN VERTIDO DE AUGAS RESIDUAIS DURANTE 7 DÍAS Ó RÍO LOURO É O QUE TEN QUE EXPLICAR O CONCELLEIRO DE MEDIO AMBIENTE NA COMPARECENCIA SOLICITADA POLO PSOE DE VALGA
Na beira do río Louro, a escasos 500 m. da súa desembocadura no Ulla, existe a rede de saneamento municipal da que forma parte unha arqueta de recollida de augas residuais que sufre atascos e desbordamentos constantes. O goberno local, para evitar a saturación e atasco do resto da rede de saneamento, instalou unha especie de aliviadoiro, unha saída directa dende a arqueta ao río, polo que cando esta se atasca e desborda, as augas residuais verten directamente ao río Louro.
Este parche provoca vertidos de augas residuais de cor e cheiro intenso ó río de xeito constante. Durante este verán houbo varios vertidos, pero o último foi o máis preocupante pola súa duración no tempo. A rede de saneamento municipal estivo vertendo ó río durante 7 días, pois a pesar de que o grupo socialista advertiu ó 112, a seprona e á garda civil, o vixiante municipal non acudiu ata pasados 5 días do inicio do vertido.
A nosa portavoz, “Os vertidos producidos nese punto do río son constantes, pero este último resultou gravísimo porque a rede municipal estivo vertendo durante 7 días. Pero o máis grave é que o propio goberno local sexa o que está a provocar estes vertidos. O concelleiro é o responsable da xestión medioambiental, coñece que a instalación ten problemas de atascos e desbordamentos, do parche feito, e a pesar deso, os vertidos repítense cada mes”.
O psoe de Valga, que xa puxo de manifesto en varias ocasións estes problemas ante o pleno municipal, non obtendo resposta e vendo a inmobilidade do goberno local, vimos de solicitar a comparecencia do concelleiro de medio ambiente no vindeiro pleno para pedirlle explicacións e solucións ó problema dos vertidos.
A nosa portavoz: “Entendemos que se trata dun asunto o suficientemente grave como para solicitar a comparecencia pois vemos que o propio goberno local é o que está a provocar estes vertidos, dende o momento en que decidiu instalar un tubo directo dende a arqueta ao río que verte augas residuais non depuradas. Ten que explicar como sendo o responsable da xestión medioambiental do concello, permite esta situación”.