A conselleira do Mar, Marta Villaverde, participou este domingo na XXX edición da Festa da Ameixa de Carril, unha cita gastronómica declarada Festa de Interese Turístico Galego desde 2014, que cumpre este ano unha importante efeméride, e que, como destacou a responsable autonómica, contribúe a resaltar a importancia da implicación das comunidades pesqueiras na promoción e posta en valor dos produtos.
O éxito da ameixa de carril é froito do esforzo de máis de 650 familias arousás que traballan de xeito artesanal, coidando da Ría e extraendo o seu máximo potencial. Esta celebración que rende homenaxe a un dos máis saborosos moluscos xa é unha das citas culinarias más importantes e consolidades de Galicia e que este ano, con motivo do seu trinta aniversario, estenderase durante dous días.
