Home Pontevedra Xabier P. Igrexas: “O BNG damos un grande salto en Vigo pero...

Xabier P. Igrexas: “O BNG damos un grande salto en Vigo pero non nos conformamos, seguiremos traballando arreo a partir de mañá”

- Anuncio -

O candidato nacionalista agradece o apoio das case 15 mil viguesas e vigueses que fixeron posíbel triplicar a representación do BNG no Concello sendo a forza que máis sube na maior cidade galega

Asegura que o obxectivo é seguir facendo “avanzar a alternativa en positivo do Bloque para construír a cidade que merecemos, pateando todos os barrios e parroquias”

O Bloque Nacionalista Galego celebra o “grande salto” en Vigo nestas eleccións municipais nas que contou co apoio de case 15 mil viguesas e vigueses que fixeron posíbel triplicar a representación nacionalista no Concello, pasando dun concelleiro a tres. “Pero non nos conformamos, imos seguir traballando arreo a partir de mañá”, afirmou o cabeza de lista do BNG, Xabier P. Igrexas, tras finalizar o reconto.

Igrexas agradeceu este apoio, que considerou un “aval claro ao traballo” realizado durante o último mandato. “Cun único edil exercemos unha oposición construtiva centrada en achegar propostas”, valorou o candidato nacionalista, que asegurou que multiplicando a representación o BNG tamén vai multiplicar os seus esforzos nos próximos catro anos.

“Con inda máis traballo a pé de rúa, pateando cidade, todos os barrios e parroquias e intensificando o noso contacto permanente co tecido asociativo”, comprometeuse Igrexas. “Hoxe non acaba nada e o BNG aspiramos a seguir sumando apoios para volver sermos unha forza determinante na primeira cidade de Galiza”, defendeu.

O candidato nacionalista tivo tamén palabras de agradecemento “de corazón” para toda a militancia do Bloque polo seu traballo durante estes anos e durante a campaña electoral. “Son a espiña dorsal do noso proxecto”, remachou.

Relacionadas

A Deputación inicia a incoación do expediente de honra a favor da doutora ourensá...

0
Marisa Crespo-Leiro (Cea, 1961), é un referente mundial no ámbito da insuficiencia cardíaca e os transplantes de corazón. Licenciada en Medicina pola Universidade de...

O Concello lanza un novo sorteo de 100 tarxetas regalo de 50 euros por...

0
A campaña arrancará desenvolverase entre o 1 e o 30 de abril. Pódese participar a partir de 30 euros de compra, depositando os tickets...

Cinco estreas na XIV Semana de Teatro Amador

0
O Teatro Municipal acollerá do luns 1 ao venres 5 as novas montaxes dos grupos de teatro CAI, Chirlomirlo, Aloia, San Fins, e A...

59 días para a marcha cicloturista Sestelo-Clásica Álvaro Pino

0
O alcalde de Covelo e a organización da marcha reúnense para ultimar os preparativos A 59 días da celebración deste evento que recorre o Condado,...

Aprazado para o sábado 6 e domingo 7 o III Encontro de Viños da...

0
Mantéñense as actividades paralelas no edificio da praza da Inmaculada Debido á adversa previsión do tempo para  a fin de semana o III Encontro de...

Actividade de Fotografía e Natureza aprazada

0
A actividade de Fotografía e Natureza programada para o día 30 queda aprazada pola chuvia ata novo aviso.

Publicacións Relacionadas