test
Home Pontevedra O goberno local promverá accións legais e xudiciais contra o eólico no...

O goberno local promverá accións legais e xudiciais contra o eólico no Morrazo

- Anuncio -

Convida á veciñanza a asistir á asemblea informativa do martes en Riomaior e manterse informada e expectante ante un “macroproxecto destrutivo”

O goberno local levará ao pleno do luns unha moción na que instará á Corporación Municipal a rexeitar a instalación no Morrazo do Parque  presentado no Rexistro Eólico de Galicia pola empresa Arena Power e que se instalaría en montes de Vilaboa, Moaña e Marín, así como respaldar as accións da “Plataforma Eólicos no Morrazo Non” nas actividades que realice.

O goberno de César Poza promoverá, como se recolle na moción, todas as accións legais e xudiciais para impedir a instalación deste ou de calquera outro Parque Eólico no Morrazo, especialmente no referido a emisión de informes e presentación de alegacións no período de exposición pública do proxecto. O Concello instará á Xunta de Galicia a que suprima a “Area de Desenvolvemento Eólico do Morrazo” do Plan Eólico de Galicia.

Sobre as dimensións deste proxecto e as consecuencias concretas que tería para o Morrazo e para os montes de Vilaboa a plataforma “Eólicos no Morrazo Non” convoca unha charla para este vindeiro martes na Casa de Cultura de Riomaior ás 20.30 horas, á que Francisco Costa, concelleiro de Medio Ambiente de Vilaboa, convida a asistir.

Alí explicarase que a empresa “Arena Power”, con sede en Madrid, pretende presentar un proxecto para a construción dun Parque Eólico na comarca do Morrazo formado por 15 aeroxeradores, dúas subestacións coas correspondentes liñas de evacuación eléctrica e dúas torres de observación en terreos dos montes de San Martiño e Domaio no concello de Moaña; Santomé de Piñeiro en Marín e Santa Cristina máis San Adrián de Cobres no de Vilaboa. Este macroparque eólico situaríase dentro da Área de Desenvolvemento Eólico do Morrazo establecida no Plan Eólico da Xunta de 1997 (4.362 hectáreas da elevada dorsal granítica da península, equivalente á cuarta parte da súa superficie).

A oposición de concellos, veciñanza e comunidades de montes frustrou xa algúns outros intentos de instalacións de parques de similares características na contorna polo que o goberno local de Vilaboa considera fundamental que a veciñanza se manteña informada e vixiante ante un proxecto que só na fase de construcción, con voaduras para dinamitar terreo granítico e a apertura ou ensanche de camiños e de novas pistas forestais, impactaría directamente nos ríos, mananciais, acuíferos e afectaría aos numerosos depósitos de traídas de auga municipais e veciñais de todos os concellos, así como á flora e fauna (especialmente nos hábitats de interese comunitario), ás especies protexidas e ao cuantioso patrimonio histórico, nomeadamente ao arqueolóxico.

Relacionadas

A Deputación concentra no Museo de Pontevedra a protagonistas do retorno dos restos de...

0
A xornada desenvolverase o venres 28 de xuño, coa participación de Tareixa Navaza, Javier Baltar, Henrique Monteagudo, Xan Carballa e Xosé Enrique Acuña A conmemoración...

A Deputación acolle ata o vindeiro venres no Pazo provincial a exposición “A Galicia...

0
A mostra, promovida pola Asociación de Periodistas de Galicia e o Colectivo de Fotoxornalistas de Galicia, recolle 73 fotografías, inéditas ou publicadas, realizadas por...

A Deputación ten aberto ata o mércores 3 de xullo o prazo para presentar...

0
Por vez primeira a institución provincial premiará os mellores proxectos da provincia a favor da igualdade de xénero e contra a violencia machista, que...

A Deputación presenta este martes no edificio do Arquivo a publicación “Xulio Gil. Insercións”

0
A presentación terá lugar ás 19:30 horas e contará coa participación do vicepresidente provincial Rafa Domínguez A Deputación presenta este martes, 25 de xuño, ás...

O BNG solicita medidas de control de tráfico na rúa do Sol

0
Nos últimos anos, foron múltiples as veces que o BNG solicitou ao goberno municipal tomar medidas urxentes para o control de tráfico na rúa...

En xullo arranca “Verán con sabor” a guía gastronómica que premia os consumidores

0
Durante os meses de xullo, agosto e setembro aquelas persoas que consuman na hostelería de Salvaterra de Miño poderán optar a máis de 40...

Publicacións Relacionadas