Este evento será un foro de intercambio de experiencias dos Residentes que traballan na Área Sanitaria con quenes amosan interese en realizar a súa formación especializada na mesma
As especialidades máis demandadas son Medicina Familiar e Comunitaria, Psiquiatría, Uroloxía, Farmacia, Pediatría, Microbioloxía, Anestesioloxía, Dixestivo, así coma as EIR -Enfermería Interna Residente- de Saúde Mental, Pediatría, Matrona e EIR de Familia e Comunitaria
A Área Sanitaria de Pontevedra e O Salnés acollerá o vindeiro mércores 3 de abril no hospital Montecelo a Xornada de portas abertas para futuros residentes, organizada no Complexo Hospitalario Universitario pontevedrés pola Unidade de Docencia. Ao evento se prevé que asistan preto de 100 futuros residentes de formación sanitaria especializada de Medicina, Enfermaría, Farmacia e Psicoloxía procedentes de toda España.
O subdirector de Humanización, Calidade e Atención á Cidadanía, Jorge García-Borregón, dará a benvida aos futuros Residentes cunha semblanza do entorno sanitario, cedendo a palabra ao xerente da Área Sanitaria, José Flores, que exporá o organigrama dos centros que a integran e as principais especialidades dispoñibles nos mesmos.
A continuación, o presidente da Comisión de Docencia Especializada, o doutor Luís Anibarro García, aportará a súa visión asistencial e profesional para que os futuros Residentes se decanten por escoller as diversas opcións formativas na Atención Hospitalaria en Pontevedra e O Salnés, incidindo no feito de que eles serán no futuro a base do Sistema Sanitario Público galego e que neles basearáse o seu bo funcionamento coma novos profesionais da Saúde.
Tras o remate da Xornada de portas abertas o vindeiro mércores 3 de abril no hospital Montecelo, os futuros Residentes terán a oportunidade de coñecer os servizos do seu interese, guiados por representantes dos médicos en formación das distintas especialidades, posto que o obxectivo principal desta iniciativa segue a ser o intercambio de experiencias entre os Residentes que actualmente traballan na Área Sanitaria de Pontevedra e O Salnés cos novos futuros profesionais.
Demanda de especialidades e aportación de experiencias
Entre as especialidades máis demandadas polos futuros Residentes da Área Sanitaria atópanse as de Medicina Familiar e Comunitaria, Psiquiatría, Uroloxía, Farmacia, Pediatría, Microbioloxía, Anestesioloxía, Dixestivo, así coma as EIR -Enfermería Interna Residente- de Saúde Mental, Pediatría, Matrona e EIR de Familia e Comunitaria.
