― Entre os vindeiros 3 e 26 de xaneiro de 2024 nesta localidade manteránse cubertos ambos cupos médicos con prolongacións de xornada de profesionais en activo e se efectúan xestións para acadar dita cobertura tamén o día 2 de xaneiro
― A Área Sanitaria mantén unha constante coordinación coa súa rede de centros de Atención Primaria para xestionar as coberturas vacacionais destes dispositivos asistenciais, ante a eventual indispoñibilidade de suficientes profesionais
A Área Sanitaria de Pontevedra e O Salnés garante a continuidade asistencial de Atención Primaria no centro de saúde de Catoira no período de ausencia vacacional dun dos seus profesionais. Así, entre os vindeiros 3 e 26 de xaneiro de 2024 nesta localidade, a Área Sanitaria manterá cubertos ambos cupos médicos con prolongacións de xornada de profesionais en activo e se efectúan xestións para acadar dita cobertura dos dous cupos tamén o día 2 de xaneiro.
Cómpre lembrar que a Área Sanitaria mantén a súa planificación de Atención Primaria na súa rede de centros de saúde, xestionando nesta época do Nadal os recursos dispoñibles baixo criterios de continuidade asistencial e compatibilizando o deber de prestar asistencia sanitaria co dereito dos profesionais ao seus descansos e libranzas. En relación á planificación estratéxica para efectuar as coberturas de ausencias dos profesionais de Atención Primaria en Catoira, a área sanitaria de Pontevedra e O Salnés lembra que a prioridade administrativa e organizativa é tratar de aportar substitutos.
Ante a imposibilidade de cubrir a totalidade das ausencias vacacionais -xa sexa con profesionais das listaxes de contratación ou con persoal voluntario- óptase por efectuar ben prolongacións de xornada ou ben intersubstitucións.
Coordinación permanente
A Área Sanitaria de Pontevedra e O Salnés mantén unha constante coordinación coa súa rede de centros de Atención Primaria, para xestionar as coberturas vacacionais destes dispositivos asistenciais, ante a eventual indispoñibilidade de suficientes profesionais. Non obstante, co criterio técnico e asistencial da Dirección e a colaboración e coordinación dos profesionais dos centros de saúde, a cobertura asistencial de consultas de Atención Primaria e a atención das urxencias extrahospitalarias nos Puntos de Atención Continuada -PAC- mantén a súa continuidade operativa.
