Home A Coruña A Comisión de Heráldica aproba novos símbolos para os concellos de Punxín,...

A Comisión de Heráldica aproba novos símbolos para os concellos de Punxín, Mugardos, Soutomaior e Alfoz

- Anuncio -

― A directora xeral de Administración Local, Natalia Prieto, presidiu hoxe a reunión da Comisión de Heráldica

― No encontro aprobouse o escudo e a bandeira de Punxín, o escudo de Mugardos e as bandeiras de Soutomaior e Alfoz, ademais de acordar remitir nova proposta heráldica para o municipio de Oia

― O Goberno autonómico leva aprobados un total de 274 escudos e bandeiras das entidades locais de Galicia atendendo ás peticións dos concellos para adaptar os símbolos ao decreto que os regula

A directora xeral de Administración Local, Natalia Prieto, presidiu hoxe a reunión anual da Comisión de Heráldica na que se aprobou o escudo e a bandeira do concello ourensán de Punxín, o escudo do municipio coruñés Mugardos, e as bandeiras dos concellos de Soutomaior (Pontevedra) e Alfoz (Lugo).

No encontro desta mañá, a comisión tamén acordou remitir nova proposta heráldica para o concello de Oia e examinou o estado de tramitación dos expedientes de escudos e bandeiras do Carballiño, Rodeiro, Gondomar e a Entidade Local Menor de Morgadáns, tamén en Gondomar.

O Goberno autonómico leva aprobados un total de 274 escudos e bandeiras das entidades locais de Galicia no seo da Comisión Heráldica da Xunta, tras a petición dos respectivos concellos de modificar ou rehabilitar os seus símbolos para adaptalos ao decreto que os regula.

Segundo explicou a directora xeral de Administración Local, os municipios e as demais entidades locais de Galicia poderán adoptar escudos heráldicos e bandeiras propios e privativos, modificar os xa existentes ou rehabilitar os que historicamente se empregasen, baseándose sempre en feitos históricos ou xeográficos característicos e peculiares do seu territorio e conforme ás normativas de heráldica.

Ningunha entidade local de Galicia poderá utilizar escudo heráldico ou bandeira que non fosen aprobados polo Consello da Xunta de Galicia, sen prexuízo daqueles que foron aprobados pola Administración do Estado con anterioridade á transferencia de competencias a favor da Comunidade Autónoma de Galicia.

A Comisión de Heráldica é o órgano consultivo da Xunta de Galicia adscrito á consellería competente en materia de réxime local, a Vicepresidencia primeira e Consellería de Presidencia, Xustiza e Turismo, sendo a encargada de emitir informes vinculantes de aprobación, modificación ou rehabilitación de escudos heráldicos e bandeiras das entidades locais galegas. Ademais, poderá elaborar as correspondentes propostas para a modificación ou rehabilitación de escudos heráldicos e bandeiras daquelas corporacións locais que así o soliciten, sen ningún cargo para a entidade local interesada.

Relacionadas

Un total de 84 nenos e nenas do municipio teñen praza no campamento de...

0
As familias poderán formalizar a matrícula dos menores dende mañá ata o 17 de xuño O Concello facía público este mediodía o listado de admitidos/as...

Aitor Bouza fai unha valoración positiva dos resultados das europeas en Santiago: “o Partido...

0
Amósase satisfeito por ter subido sete puntos respecto as eleccións ao Parlamento Europeo de 2014, “as últimas que se celebraron nun contexto similar a...

Paderne une viño, gastronomía e tradición na Feira GastroLexítimo, herdeira da Mostra do Branco...

0
 Celebrarase en Esperela o sábado 29 de xuño e contará coa actuación de A Roda  O evento social nace como un xeito de...

O concelloamplía a rede de abastecemento entre Golmar do medio e San Pantaión

0
Melloraranse os servizos que se ofrecen ás vivendas desa zona, ademais de tratarse dunha intervención cun impacto directo na protección do medio ambiente. O Concello...

Intercambio de experiencias entre o Concello da Pobra e o Lar Gallego de Sevilla

0
Máis de cincuenta integrantes da asociación Lar Gallego de Sevilla atópase estes días na terra nai, rememorando a arte, cultura, lingua e gastronomía. No seu...

O Concello de Santiago continúa coa tramitación da nova ordenanza complementaria de usos en...

0
O executivo municipal dá un novo paso para a aprobación da nova ordenanza que promoverá e favorecerá o acceso á vivenda. A Xunta de...

Publicacións Relacionadas