Home Xunta de Galicia A Xunta apela no Día Mundial do Meido Ambiente á responsabilidade no...

A Xunta apela no Día Mundial do Meido Ambiente á responsabilidade no consumo de plástico para evitar o seu impacto sobre a contorna

- Anuncio -

― Ángeles Vázquez incide en que a contaminación por plásticos e os seus efectos prexudiciais na saúde, a economía e o medio ambiente non poden ser ignorados


― O Goberno galego é moi consciente da importancia de manter un contacto permanente coas empresas e coas entidades sociais para o intercambio de experiencias e a posta en marcha de posibles solucións

A conselleira de Medio Ambiente, Territorio e Vivenda, Ángeles Vázquez, apelou á responsabilidade e á racionalidade no consumo de plástico para evitar o seu impacto sobre a contorna no marco da celebración da Semana por unha Galicia sostible, organizada pola Xunta de Galicia co gallo da conmemoración do Día Mundial do Medio Ambiente, que se celebra hoxe, 5 de xuño.

Durante a súa intervención no acto organizado polo Clúster Galego de Solucións Ambientais e Economía Circular (Viratec) no Parque Natural Complexo Dunar e Corrubedo e Lagoas de Carregal e Vixán, Ángeles Vázquez incidiu en que “a contaminación por plásticos e os seus efectos prexudiciais na saúde, a economía e o medio ambiente non poden ser ignorados”.

De feito, logo de explicar que Nacións Unidas centrou este ano a celebración do Día Mundial do Medio Ambiente nas posibles solucións á contaminación por plástico, a conselleira puxo en valor a unión e o traballo conxuntos da sociedade galega á hora de buscar as mellores fórmulas para afrontar os retos do futuro.

E, nesa liña, salientou o traballo de Viratec de compatibilizar a actividade económica co desenvolvemento sostible baixo os principios da economía circular. “O Goberno galego comparte este modelo e é moi consciente da importancia de manter un contacto permanente coas empresas e coas entidades sociais para o intercambio de experiencias e a posta en marcha de posibles solucións”, aseverou Ángeles Vázquez.

Cómpre lembrar que se estima entre 19 e 23 millóns de toneladas de plástico acaban cada ano en lagoas, ríos e mares. Máis polo miúdo, a conselleira puxo como exempleo que cada minuto véndense un millón de botellas de plástico en todo o mundo e cada un deses envases tarda uns 450 anos en descompoñerse.

Ante isto, Galicia avoga por avanzar cara a un modelo produtivo máis sostible que supoña a redución de lixo de orixe industrial, o fomento da utilización de materias primas recicladas e do consumo de produtos feitos a partir delas e a aposta polo ecodeseño, que é unha peza clave na fase de produción para afondar na economía circular a través da prevención.

Relacionadas

Rueda destaca o patrimonio cultural, a paisaxe e a gastronomía como principais atractivos turísticos...

0
― Resalta que cómpre “coidar e facer sostibles” os elementos que identifican á comunidade porque o turismo “é unha parte moi importante da economía”...

A Xunta convoca axudas por 1,63 millóns de euros para impulsar proxectos de conservación...

0
— Ángeles Vázquez anuncia que desde mañá xa se poden pedir subvencións para obras, proxectos e campañas de sensibilización nestes espazos por importe de...

A Xunta destaca o papel do Programa Mentor na formación e emancipación de adolescentes...

0
O obxectivo é facilitar a mozos que están no sistema de protección as ferramentas que necesitan para que poidan desenvolverse tanto persoal como profesionalmente O...

Un total de 431 colexios e institutos desenvolven clubs de lectura grazas ao...

0
— Este curso sumáronse 53 novos centros a esta iniciativa da Consellería de Educación, que financia con 400.000 € a adquisición de fondos e...

Medio milleiro de persoas obtiveron ou renovaron o ano pasado a habilitación como persoal...

0
A través dos cursos de seis horas realizados na Academia Galega de Seguridade Pública para adaptarse aos requisitos esixidos no decreto que regula as...

A Xunta aposta pola conservación de monumentos naturais de Galicia como a Praia das...

0
As rexistradas ata o momento roldan esa cifra, polo que se agarda que, malia as malas previsións meteorolóxicas, o número final se achegue á...

Publicacións Relacionadas