Home Xunta de Galicia A Xunta asina un convenio con Gadis para incrementar as vantaxes da...

A Xunta asina un convenio con Gadis para incrementar as vantaxes da xuventude a través do Carné Xové

- Anuncio -

— Os mozos de entre 18 e 30 anos poderán optar a sorteos mensuais de vales de compra por valor de 300 euros, teléfonos móbiles ou estadías en aloxamentos, entre outros

— O Diario Oficial de Galicia publica hoxe unha nova convocatoria de axudas do programa Iniciativa Xove, que ofrece ata 5.000 euros á mocidade para impulsar novos proxectos emprendedores

A conselleira de Política Social e Xuventude, Fabiola García, presentou hoxe unha nova iniciativa para incrementar as vantaxes da xuventude a través do Carné Xove. A Xunta asinou un convenio de colaboración con Gadis para ofrecer sorteos mensuais a mozos de entre 18 e 30 anos, aos que poderán optar con cada compra nalgún dos seus supermercados.

A conselleira explicou que a mocidade galega poderá optar a vales de compra por valor de 300 euros, teléfonos móbiles ou estadías en aloxamentos, entre outros. O único que precisan é descargar a aplicación móbil de Gadis e incluír o seu Carné Xove para participar nestes sorteos. Deste xeito, a Xunta segue a incrementar as vantaxes do Carné Xove que nestes momentos conta xa con 1300 establecementos adheridos.

Fabiola García lembrou que nos últimos anos o Goberno galego mellorou o Carné Xove ao convertelo en 100% gratuíto e con vixencia indefinida para os 400.000 mozos de entre 12 e 30 anos da nosa Comunidade. Ademais, fóronse incrementando as vantaxes das que se pode beneficiar a mocidade en toda España e tamén en países europeos como descontos en establecementos turísticos, no comercio local e os descontos tradicionais en cines, museos ou librarías.

Iniciativa Xove
A Xunta pon a disposición da xuventude galega programas e iniciativas que lle permitan desfrutar desta etapa vital ao tempo que se abren camiño e gañan en independencia. Mostra diso é a oferta de ocio e tempo libre que impulsa cada ano a través da campaña de verán ou dos programas Primavera e Outono Xove; do programa Xuventude Crea; ou o Xuventude Mentoring, que lle permite aos mozos galegos ter un primeiro contacto co mundo laboral.

A conselleira apuntou que o Diario Oficial de Galicia (DOG) publica hoxe mesmo unha nova convocatoria de axudas do programa Iniciativa Xove, que fomenta o espírito emprendedor da mocidade con axudas de ata 5.000 euros para facer realidade os seus proxectos. A Xunta leva investidos nos últimos anos 6,7 millóns de euros nesta iniciativa, que xa beneficiou a 8.000 mozos galegos.

Relacionadas

Rueda destaca o patrimonio cultural, a paisaxe e a gastronomía como principais atractivos turísticos...

0
― Resalta que cómpre “coidar e facer sostibles” os elementos que identifican á comunidade porque o turismo “é unha parte moi importante da economía”...

A Xunta convoca axudas por 1,63 millóns de euros para impulsar proxectos de conservación...

0
— Ángeles Vázquez anuncia que desde mañá xa se poden pedir subvencións para obras, proxectos e campañas de sensibilización nestes espazos por importe de...

A Xunta destaca o papel do Programa Mentor na formación e emancipación de adolescentes...

0
O obxectivo é facilitar a mozos que están no sistema de protección as ferramentas que necesitan para que poidan desenvolverse tanto persoal como profesionalmente O...

Un total de 431 colexios e institutos desenvolven clubs de lectura grazas ao...

0
— Este curso sumáronse 53 novos centros a esta iniciativa da Consellería de Educación, que financia con 400.000 € a adquisición de fondos e...

Medio milleiro de persoas obtiveron ou renovaron o ano pasado a habilitación como persoal...

0
A través dos cursos de seis horas realizados na Academia Galega de Seguridade Pública para adaptarse aos requisitos esixidos no decreto que regula as...

A Xunta aposta pola conservación de monumentos naturais de Galicia como a Praia das...

0
As rexistradas ata o momento roldan esa cifra, polo que se agarda que, malia as malas previsións meteorolóxicas, o número final se achegue á...

Publicacións Relacionadas