Home Lugo A Xunta cede ao concello de Lugo os espazos públicos d Terceira...

A Xunta cede ao concello de Lugo os espazos públicos d Terceira Fase do Polígono das Gándaras, que xa ten case o 65% das parcelas vendidas ou reservadas

- Anuncio -

— A semana pasada Xestur adxudicou neste mesmo ámbito 4 parcelas a 3 empresas por un importe total de 234.900 €, descontada xa a bonificación do 50%


— Ángeles Vázquez subliña o interese que segue espertando este polígono e avanza que este mesmo ano se licitarán as obras para urbanizar as futuras ampliacións

A Xunta de Galicia cedeu hoxe ao Concello de Lugo máis de 20.300 metros cadrados de espazos públicos localizados na terceira fase do parque empresarial das Gándaras, unha vez rematados os traballos de urbanización nesta zona por parte de Xestur.
A vicepresidenta segunda e conselleira de Medio Ambiente, Territorio e Vivenda, Ángeles Vázquez, e a rexedora municipal, Lara Méndez, formalizaron a cesión esta mañá coa sinatura ante notario das escrituras correspondentes a tres rúas, unha zona de reserva viaria e unha praza pública, cuxo elemento principal é a garita de vixilancia do antigo polvorín, unha construción histórica que foi trasladada pola Xunta con motivo das obras e reconstruída na súa localización actual.
Todos estes espazos pertencen á fase III de desenvolvemento do polígono lucense, na que preto do 65% das 25 parcelas dispoñibles xa están vendidas ou reservadas, tal e como subliñou a vicepresidenta segunda. De feito, indicou que a semana pasada o consello de administración de Xestur acordou adxudicar 4 parcelas a 3 empresas por un prezo de venda total de 234.900 euros, descontada xa a bonificación do 50% que aplica a Xunta neste parque.
En concreto, as empresas adxudicatarias destinarán estes terreos a almacenamento de maquinaria e materiais relacionados co sector da construción; a transporte e distribución de gasóleo; e a un taller para a transformación de pedra, mármores e derivados e almacén de granitos, cuarzos e porcelánicos —2 parcelas neste caso—.
Deste xeito e tras as últimas adxudicacións realizadas por Xestur, Vázquez Mejuto explicou que das 25 parcelas existentes na terceira fase das Gándaras tan só quedan 9 dispoñibles, uns datos que, indicou, demostran o “atractivo e interese” que segue espertando esta área industrial pola súa “localización privilexiada” e a función que exerce como “polo económico” para a provincia e o conxunto da Comunidade.
Neste sentido, a vicepresidenta segunda reiterou o compromiso do Goberno galego con esta área empresarial e o seu crecemento, a través tanto das bonificacións aplicadas no prezo de venda das parcelas dispoñibles como da súa aposta por continuar habilitando máis solo industrial urbanizado e con todos os servizos nesta zona.
Tras indicar que a Xunta segue traballando nas futuras ampliacións das Gándaras, Ángeles Vázquez avanzou que este mesmo ano o seu departamento ten previsto licitar as obras de urbanización correspondentes ás fases IV, V e VII-a, que suman case 220.000 metros cadrados e garantirán a continuidade deste parque, permitindo o asentamento de novas empresas en Lugo.

Relacionadas

A Xunta realiza labores de conservación en varios ríos no concello de Ortigueira que...

0
As tarefas que realiza Augas de Galicia prolongaranse durante 9 semanas e inclúen a retirada de árbores caídas e biomasa das canles fluviais para...

Anxo M. Lorenzo analiza cos responsables de arquivos as accións a desenvolver nos vindeiros...

0
O director xeral de Cultura, Anxo M. Lorenzo, mantivo un encontro hoxe cos responsables dos cinco centros arquivísticos xestionados pola Xunta para analizar os...

A Xunta participa nun proxecto europeo de mitigación dos gases de efecto invernadoiro no...

0
― O Centro de Investigacións Agrarias de Mabegondo (CIAM), adscrito á Axencia Galega da Calidade Alimentaria da Consellería do Medio Rural, acolleu días atrás...

López Campos visita a igrexa de Santa María de Sacos tras finalizar os traballos...

0
Destaca que a actuación, cun orzamento de 330.000€, forma parte do “compromiso do Goberno galego coa salvagarda dos bens patrimoniais e a súa posta...

Xosé Merelles pon en valor os entroidos tradicionais galegos como atractivo turístico en meses...

0
Participou na Estrada na presentación do programa do Entroido dos Xenerais do Ulla que inclúe actividades ao longo do próximo mes e medio O director...

A Xunta avanza na aposta pola atracción de talento emprendedor ao rural coas reunións...

0
— A directora xeral de Traballo Autónomo e Economía Social asistiu hoxe en Laxe á segunda xuntanza desta iniciativa, impulsada polo Goberno galego coa...

Publicacións Relacionadas