Home A Coruña A Xunta celebra a declaración do Xeoparque Mundial de Cabo Ortegal, o...

A Xunta celebra a declaración do Xeoparque Mundial de Cabo Ortegal, o segundo de Galicia

- Anuncio -

— O Consello Executivo da Unesco deu a coñecer hoxe a incorporación dun total de 18 novos espazos á Rede de Xeoparques, que pasa a estar integrada por 195 lugares


— No caso da candidatura galega, o organismo salienta que esta zona, localizada ao norte da provincia da Coruña, ofrece algunhas das testemuñas máis completas de Europa da colisión que orixinou o supercontinente Pangea, hai 350 millóns de anos

A Xunta celebra a declaración do novo Xeoparque Mundial de Cabo Ortegal, unha decisión que deu a coñecer hoxe mesmo a Unesco e que converte a esta zona, localizada ao norte da provincia da Coruña, na segunda en lograr esta distinción internacional no caso de Galicia.
O Comité Executivo da Unesco reuniuse hoxe en París para acordar a inclusión de 18 novos espazos na Rede Mundial de Xeoparques, que deste xeito pasa a estar integrada por 195 lugares pertencentes a 48 países e cunha superficie equivalente a dúas veces o tamaño de Reino Unido.
No caso concreto de Cabo Ortegal —a única incorporación española—, a Unesco salientou que esta zona ofrece algunhas das testemuñas máis completas de Europa da colisión que orixinou o supercontinente Pangea, hai ao redor de 350 millóns de anos, un proceso coñecido como oroxénese varisca. De feito, a maioría das rocas deste xeoparque emerxeron á superficie naquel momento das profundidades da terra.
O novo Xeoparque Mundial de Cabo Ortegal abrangue unha superficie terrestre de case 632 km2 repartidos entre 7 municipios —Cariño, Cedeira, Cerdido, Moeche, Ortigueira, San Sadurniño e Valdoviño— e cunha gran riqueza e variedade xeolóxicas.
De feito, esta nova declaración por parte da Unesco sumarase ao resto de distintivos e figuras de protección cos que xa conta este ámbito: catro zonas de especial conservación, dúas de especial protección de aves, dúas áreas de protección Ramsar e dous humedais protexidos.
Cómpre lembrar que a etiqueta de xeoparque mundial foi creada no ano 2015 para recoñecer o patrimonio xeolóxico de importancia internacional, apostando por combinar a súa conservación coa divulgación pública e un enfoque de desenvolvemento sostible para que estes lugares presten tamén un servizo ás comunidades locais.
En abril do ano 2019 as Montañas do Courel se converteron no primeiro Xeoparque Mundial da Unesco en Galicia. Coa incorporación agora de Cabo Ortegal, cuxa candidatura recibiu desde o primeiro momento o apoio expreso da Xunta ante os distintos comités nacionais encargados de valorar as propostas, a Comunidade pasa a ter 2 dos 16 xeoparques declarados en España.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas