Home A Coruña A Xunta colabora co concello de Boimorto na mellora da instalación deportiva...

A Xunta colabora co concello de Boimorto na mellora da instalación deportiva da Gándara

- Anuncio -

— A directora xeral de Administración Local, Natalia Prieto, visitou esta actuación levada a cabo ao abeiro da Orde de Infraestruturas de uso público


— O Goberno galego inviste este ano 3,5M€ nunha nova convocatoria desta liña de axudas destinada a construír ou acondicionar infraestruturas para a prestación de servizos municipais como é o caso de instalacións deportivas


— No marco destas axudas, a Xunta apoiou o ano pasado 125 iniciativas das entidades locais galegas

A directora xeral de Administración Local, Natalia Prieto, visitou esta mañá o concello de Boimorto, co que a Xunta colaborou cunha axuda de máis 33.800 euros para acondicionar e dotar da seguridade necesaria á instalación deportiva da Gándara permitindo a práctica deportiva por parte da veciñanza.

Trátase da única instalación deportiva ao aire libre de fútbol sala e baloncesto no casco urbano do municipio. Por iso, a Xunta colaborou nos traballos de substitución do pavimento existente por céspede artificial, así como no pintado de canastras e porterías e na instalación dunha canaleta para a recollida e condución de augas.

O Goberno galego apoiou esta actuación a través da Orde de infraestruturas de uso público, que o ano pasado permitiu desenvolver 125 proxectos coma este das entidades locais galegas. Este ano, a Xunta publicou unha nova convocatoria desta liña de axudas, dotada cun orzamento de 3,5 millóns de euros, co obxectivo de construír ou mellorar as infraestruturas destinadas á prestación de servizos municipais. Isto é, dependencias municipais ou instalacións deportivas como as da Gándara, ademais da renovación do alumeado público, a pavimentación de camiños ou a creación de parques infantís.

A directora xeral de Administración Local destacou a importancia da colaboración entre a Xunta e as entidades locais para levar a cabo iniciativas como esta que contribúen á mellora das dotacións existentes de infraestruturas para a poboación, o que redunda no benestar e a calidade de vida da cidadanía.

A Xunta leva investidos no concello de Boimorto máis de 561.300 euros. Ademais de actuacións nas infraestruturas municipais como as visitadas hoxe e a renovación de vías e no alumeado, tamén colaborou noutras melloras ambientais no marco do Fondo de Compensación Ambiental. Con este fondo co que se pretende favorecer o desenvolvemento sostible das entidades locais, Boimorto beneficiouse de achegas para a adquisición de equipamento destinado á protección do espazo natural -tractor, desbrozadora, motoserra de poda, colectores para a recollida do lixo, cargadora retroexcavadora ou vehículo 4×4 con cesta elevadora compartido con Vilasantar-, xunto con outras actuacións no sistema de abastecemento de varios núcleos.

Relacionadas

A Xunta informa nunha xornada técnica sobre a nova normativa europea de máquinas que...

0
A xerente do Instituto de Seguridade e Saúde Laboral de Galicia (Issga), Adela Quinzá-Torroja, participou hoxe na apertura dunha xornada técnica en formato webinar...

Inés Rey anima aos 2.500 médicos do XXX Congreso Nacional de Medicina Xeral e...

0
“Os médicos de familia sodes os profesionais máis próximos ao paciente”, sinalou a alcaldesa durante a inauguración A alcaldesa da Coruña, Inés Rey, presidiu a...

Persoa excarcerada nun accidente de tráfico na DP-0701, ao seu paso polo Concello de...

0
Os bombeiros do parque Comarcal Provincial de Santa Comba foron alertados ao redor das 14:22 horas deste mediodía dun accidente de tráfico na estrada...

Ponteceso aproba o pago de facturas de gastos correntes por valor de máis de...

0
 O pleno, cos votos favorables de PP, PG, AP e PSdeG, aceptou pór en marcha este recoñecemento extraxudicial de crédito  Durante a sesión...

As persoas interesadas en realizar unha fogueira en San Juan deberán avisar con polo...

0
• Non se poderán realizar lumes nas praias nin as zonas verdes contiguas a estas. A próxima fin de semana celébrase a festividade de San...

A Coruña será o epicentro do tríatlon nacional coa celebración das probas Sprint e...

0
O concelleiro de Deportes, Manuel Vázquez, recibiu á organización da proba, que se disputa esta fin de semana no Parrote con 2.200 deportistas confirmados O...

Publicacións Relacionadas