― O Goberno galego cofinanciará, mediante a achega de 600.000€, esta intervención que estará rematada o próximo ano
― Esta actuación transformará o centro urbano de Mos nunha zona máis accesible e sostible, incrementando notablemente o espazo para uso peonil
― O proxecto inclúe a dotación de máis zonas de estancia e esparexemento, espazos con xardíns, con novo mobiliario urbano e nova iluminación
― A conselleira lembrou outras actuación neste municipio, como a humanización da contorna de San Eleuterio, ao abeiro do Plan Hurbe
― Avanzou a adxudicación das obras das 20 vivendas públicas que a Xunta vai construír en San Eleuterio, cuxo remate se prevé vindeiro ano
A Xunta colabora co Concello de Mos na remodelación das avenidas de Puxeiros e do Rebullón, que suporá un investimento conxunto de 1,3M€.
A conselleira de Vivenda e Planificación de Infraestruturas, María Martínez Allegue, asinou hoxe coa alcaldesa, Nidia Arévalo, o convenio para executar estas obras.
O Goberno galego cofinanciará mediante a achega de 600.000€ esta intervención que licitará o Concello de Mos para poder tela rematada o próximo ano.
Esta actuación transformará o centro urbano de Mos nun espazo máis accesible, verde e adaptado ás necesidades dos cidadáns, promovendo un entorno máis sostible e agradable.
O proxecto abrangue a remodelación dun tramo de 170 metros da avenida de Puxeiros, outros 125 metros da avenida do Rebullón e a totalidade da superficie da rotonda dos Bois.
Trátase dunha actuación integral que permitirá acadar unha vila máis amable e con maior accesibilidade, incrementando notablemente o espazo para uso peonil nesta contorna.
Este proxecto inclúe a dotación de máis zonas de estancia e esparexemento, espazos con xardíns, con novo mobiliario urbano e nova iluminación.
A conselleira lembrou outras actuación executadas neste municipio, como a humanización da contorna de San Eleuterio, un exemplo de colaboración entre institucións ao abeiro do Plan Hurbe.
Tamén recordou a licitación das 20 vivendas públicas que a Xunta vai construír en San Eleuterio. Detallou que estas obras xa están adxudicadas e estarán rematadas o vindeiro ano.
