Home Ourense A Limia A Xunta colabora cos concellos de Xinzo de Limia, Vilar de Barrio...

A Xunta colabora cos concellos de Xinzo de Limia, Vilar de Barrio e Sandiás para formar 70 mulleres en liderado feminino e previr a violencia de xénero

- Anuncio -

― A secretaria xeral da Igualdade, Susana López Abella, visitou hoxe un dos obradoiros do programa ‘Hypatía’ financiado pola Xunta con 17.000 euros

― Puxo en valor que a iniciativa teña en conta factores de discriminación múltiple como a ruralidade ou a idade no traballo coas mulleres beneficiarias

― A Administración autonómica suma achegas por case 80.000 euros este ano ao Concello de Xinzo de Limia para o desenvolvemento de actuacións de promoción da igualdade, de conciliación e para o mantemento do seu Centro de Información á Muller

A secretaria xeral da Igualdade, Susana López Abella, visitou hoxe un dos obradoiros de fomento do liderado feminino que os concellos de Xinzo de Limia, Vilar de Barrio e Sandiás, na provincia de Ourense, desenvolven no marco do programa Hypatía de atención a mulleres vulnerables financiado pola Xunta de Galicia con arredor de 17.000 euros e no que toman parte 70 participantes ata o próximo 15 de setembro.

A iniciativa promove unha actuación multidisciplinar que pivota na formación, no benestar e na orientación laboral e social para que as mulleres melloren as súas habilidades cara ao seu liderado e empoderamento. Grazas a este programa, destacou López Abella, “estamos a brindar ás mulleres apoios para superar as súas dificultades, xerando redes positivas de aprendizaxe e motivación e desmontando estereotipos que gardan relación coa idade, o xénero, a ruralidade…”.

As actividades permiten ademais guiar ás beneficiarias no eido laboral, tamén para o seu autoemprego, e previr a violencia de xénero e calquera comportamento discriminatorio por razóns múltiples de discapacidade, migración, orientación sexual, idade, situación económica ou de residencia, entre outras. Para abordar estes aspectos, celébranse actos e obradoiros formativos nos que toman parte.

A acción Hypatía está dirixida a mulleres en situación de vulnerabilidade, con especial incidencia nas vítimas da violencia de xénero.
“O programa incorpora a variable de ruralidade que afecta ás usuarias dos tres concellos, polo peso económico que presenta neles o sector Primario, tendo en conta as taxas de desemprego e a dificultade dos núcleos máis pequenos para acceder aos recursos no eido da muller”, puxo en valor a secretaria xeral.

O acto de hoxe tivo lugar na Casa da Cultura do Concello de Xinzo de Limia, un dos espazos municipais onde se desenvolve ata mediados de mes a iniciativa, que tamén ten como sede os salóns municipais dos tres concellos colaboradores.

Ademais deste programa, a Xunta presta apoio neste 2022 ao Concello de Xinzo de Limia, a través da liña de axudas para o mantemento dos Centros de Información á Muller, que neste caso acada os 45.000 euros; ou de promoción de actividades de conciliación, neste caso mediante a creación dun banco de tempo que supón unha achega de 18.000 euros por parte da Administración autonómica.

Relacionadas

A Fundación Galicia Europa inaugura a 20ª edición do curso de financiamento eurpeo...

0
Este curso brinda ás entidades galegas a oportunidade de coñecer o funcionamento dos fondos da UE e o proceso de presentación de proxectos europeos A...

A Xunta realiza un simulacro de activación do Plan de Emerexencia Exterior de CEPSA...

0
O director xeral de Emerxencias e Interior, Santiago Villanueva, participou na coordinación do exercicio para comprobar a eficiencia do operativo ante unha emerxencia realDurante...

A Xunta inviste preto de 1,8 M€ nas obras de mellora da rede de...

0
Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha...

Delgado esixe explicacións á secretaria xeral de Transporte Terrestre sobre a retardación e paralización...

0
• Denuncia que vinte meses despois de colocarse a primeira pedra do tramo da A-56, Variante Norte Eirasvedras-Quintela (1,7 km.), non hai obra algunha...

A rúa Doutor Marañón estará pechada ao tráfico desde mañá por obras de arranxo...

0
A rúa Doutor Marañón estará pechada ao tráfico desde mañá, mércores, 29 de maio, até o día 19 de xuño pola execución de obras...

A Xunta salienta a colaboración entre o laboratorio de Medio Ambiente de Lourizán e Augas...

0
— Paula Uría subliña que estas instalacións se especializan na realización de análises biolóxicas e no control de calidade das augas naturais, con máis...

Publicacións Relacionadas