Home Lugo A Xunta colabora no acondicionamento da Casa Reitoral de San Vicente de...

A Xunta colabora no acondicionamento da Casa Reitoral de San Vicente de Pedrera para dedicala a Local Social da Asociación de Veciños Peizal-Outeiro

- Anuncio -

― A directora xeral de Administración Local, Natalia Prieto, e o delegado territorial da Xunta en Lugo, Javier Arias, comprobaron hoxe os traballos realizados na instalación eléctrica, os accesos, a traída de augas e o mobiliario

― A Xunta financiou esta actuación ao abeiro das axudas do Plan específico de Acción Comunitaria dirixidas ás entidades veciñais, ás que este ano o Goberno galego destinou 2,5M€ en apoio a proxectos de 173 asociacións

― Natalia Prieto anunciou que a Xunta incrementará en 2022 o orzamento destas subvencións nun 20% ata acadar os 3M€

A directora xeral de Administración Local, Natalia Prieto, visitou hoxe co delegado territorial da Xunta en Lugo, Javier Arias, as actuacións de acondicionamento e equipamento levadas a cabo na antiga casa reitoral de San Vicente de Pedrera para destinala a local social da asociación de veciños Peizal-Outeiro.

O Goberno galego colaborou este ano cunha axuda de 17.000 euros na terceira fase destas obras ao abeiro das axudas do Plan específico de Acción Comunitaria que cada ano convoca a Xunta para financiar a realización de obras nos locais sociais das asociacións de veciños e de mulleres rurais ou da adqusición de equipamento para realizar as súas actividades, así como na reparación de traídas de auga das comunidades de usuarios de augas.

Neste caso, a Xunta colaborou nas actuacións da terceira fase do proxecto de acondicionamento da antiga casa reitoral, que inclúe a instalación eléctrica, melloras nos accesos, traída de augas e a compra de mobiliario. Así, instaláronse tubos e caixas, cadros eléctricos, detectores de presenza e halóxenos e luminarias led. Tamén se colocou un motor de auga desde un pozo ás instalacións xunto coa previa realización de fosa séptica. As melloras completáronse coa colocación de ventás e porta de acceso ademais da compra de mobiliario.

A asociación de veciños de Peizal-Outeiro é unha das 173 entidades galegas que se beneficiaron das axudas deste ano ás que a Xunta destinou 2,5 millóns. Natalia Prieto avanzou hoxe que, tendo en conta o elevado número de solicitudes que se presentan cada ano á convocatoria, o Goberno galego incrementará o próximo ano nun 20% o orzamento reservado para esta orde de subvencións, ata acadar os 3 millóns de euros.

Nos últimos anos, a Xunta financiou con estas axudas 1.151 proxectos cos que garantir o funcionamento e mantemento destas entidades, o que supuxo un investimento de 13 millóns de euros.

A directora xeral de Administración Local destacou o compromiso da Xunta co movemento veciñal e a mellora de calidade da vida da cidadanía e incidiu no papel das entidades veciñais para dinamizar a vida local e trasladar as institucións as demandas e necesidades dos veciños, xa que son a organización máis próxima á veciñanza.

Relacionadas

A Secretaría Xeral para o Deporte encarga un estudo para a execución dunha nova...

0
_Lete Lasa lembrou como, hai dúas semanas, certificábase outro acordo para levar a cabo unha canle de augas bravas no río Xallas tras unha...

A Xunta mellora aimaxe do Camiño Inglés ao seu paso por Oroso coa instalación...

0
― A directora de Turismo de Galicia, Nava Castro, acompañada polo alcalde e parte da corporación municipal, visitaron os traballos executados ao abeiro das...

A redución do canon de Sogama deste ano suporá un aforro para os galegos...

0
— Á bonificación do 10% que se vén aplicando desde o ano 2019 aos municipios que cumpran os requisitos fixados en canto a produción...

Os Fondos Europeos abren sinerxías de cooperación entre a Eurorexión Galicia-Norte de Portugal e...

0
― O vicepresidente primeiro da Xunta, Alfonso Rueda, animou a aproveitar as posibilidades dos fondos europeos para mellorar a competitividade das empresas e investir...

A Xunta habilita axudas de ata 15.000 euros para comprar vivenda nun centro histórico...

0
— Ángeles Vázquez anuncia que a partir de mañá se poden solicitar estas subvencións, cuxo orzamento ascende a medio millón de euros — Recorda que...

A Xunta despide á 13ª promoción de Policía Local formanda na AGASP e xa...

0
— Os 98 alumnos da 13ª promoción remataron en decembro a súa formación teórica na Academia Galega de Seguridade Pública e realizaron este mes...

Publicacións Relacionadas