Home A Coruña A Xunta concede 20.000 euros ao concello de Vilarmaior para a mellora...

A Xunta concede 20.000 euros ao concello de Vilarmaior para a mellora exterior dun inmoble municipal destinado a usos sociais

- Anuncio -

Este financiamento outórgase ao abeiro da orde de axudas do Goberno galego para a corrección de impactos paisaxísticos

A Xunta de Galicia concedeu 20.000 euros ao Concello de Vilarmaior para a mellora exterior dun inmoble municipal destinado a usos sociais, ao abeiro da orde de axudas do Goberno galego para a corrección de impactos paisaxísticos.

Durante unha visita que realizou hoxe ao edificio no que se levará a cabo a actuación, o director do Instituto de Estudos do Territorio (IET), Enrique de Salvador, salientou o compromiso do Concello coa protección da paisaxe ao recorrer a esta liña de financiamento, posta en marcha polo Goberno galego en 2021, para actuacións que permitan corrixir e mellorar o aspecto exterior de vivendas, edificios e equipamentos públicos municipais deteriorados polo paso do tempo e por unha insuficiente conservación.

Deste xeito, a intervención prevista consistirá no desmonte da cuberta existente para a colocación de novos paneis de dobre chapa de aceiro e illamento interior. Na fachada, ademais do pintado, revestiranse con morteiro de cemento os paramentos e instalarase un novo portón de chapa de aceiro galvanizado con equipo de motorización. A maiores, renovaranse os canlóns e as baixantes.

Cómpre lembrar que a Xunta concederá este ano 1 millón de euros en axudas a preto de medio cento de concellos para apoialos no financiamento de máis de 60 obras e actuacións que contribúan a mellorar a imaxe exterior de edificios públicos, equipamentos e outros elementos e instalacións de titularidade municipal, reducindo deste xeito o impacto paisaxístico que poden causar sobre a contorna.

A maiores, De Salvador recoñeceu o esforzo municipal para seguir mellorando este inmoble. De feito, o alcalde, Carlos Vázquez, trasladoulle a intención de levar a cabo unha segunda fase nas obras de rehabilitación coa instalación de placas solares no edificio co obxectivo de avanzar cara á eficiencia enerxética.

Relacionadas

A Xunta informa nunha xornada técnica sobre a nova normativa europea de máquinas que...

0
A xerente do Instituto de Seguridade e Saúde Laboral de Galicia (Issga), Adela Quinzá-Torroja, participou hoxe na apertura dunha xornada técnica en formato webinar...

Inés Rey anima aos 2.500 médicos do XXX Congreso Nacional de Medicina Xeral e...

0
“Os médicos de familia sodes os profesionais máis próximos ao paciente”, sinalou a alcaldesa durante a inauguración A alcaldesa da Coruña, Inés Rey, presidiu a...

Persoa excarcerada nun accidente de tráfico na DP-0701, ao seu paso polo Concello de...

0
Os bombeiros do parque Comarcal Provincial de Santa Comba foron alertados ao redor das 14:22 horas deste mediodía dun accidente de tráfico na estrada...

Ponteceso aproba o pago de facturas de gastos correntes por valor de máis de...

0
 O pleno, cos votos favorables de PP, PG, AP e PSdeG, aceptou pór en marcha este recoñecemento extraxudicial de crédito  Durante a sesión...

As persoas interesadas en realizar unha fogueira en San Juan deberán avisar con polo...

0
• Non se poderán realizar lumes nas praias nin as zonas verdes contiguas a estas. A próxima fin de semana celébrase a festividade de San...

A Coruña será o epicentro do tríatlon nacional coa celebración das probas Sprint e...

0
O concelleiro de Deportes, Manuel Vázquez, recibiu á organización da proba, que se disputa esta fin de semana no Parrote con 2.200 deportistas confirmados O...

Publicacións Relacionadas