Home Xunta de Galicia A Xunta convoca un curso de recolector de recursos específicos con técnicas...

A Xunta convoca un curso de recolector de recursos específicos con técnicas de mergullo para 12 persoas

- Anuncio -

— O prazo de matrícula está aberto ata o vindeiro 14 de abril e as accións formativas impartiranse no Instituto Galego de Formación en Acuicultura entre maio e xuño


— Antes da realización do curso os matriculados deberán superar unhas probas físicas en piscina e someterse ao test de compresión e tolerancia ao osíxeno hiperbárico

A Consellería do Mar convocou esta semana un novo curso de recolector/a de recursos específicos con técnicas de mergullo no Instituto Galego de Formación en Acuicultura (Igafa). O prazo de matrícula neste curso, que conta con 12 prazas, está aberto ata o vindeiro 14 de abril.
Esta acción formativa, que se impartirá na sede do Igafa, na Illa de Arousa, será entre o 15 de maio e o 7 de xuño en horario de tarde, de 16.00 a 21.00 horas. A finalidade desta formación é que as alumnas e alumnos matriculados poidan acreditar a súa capacidade para traballar nun plan de explotación a mergullo para extraer recursos específicos como algas, ourizos, peneiras ou longueirón, entre outros.
Antes da realización do curso as persoas matriculadas deberán facer unhas probas físicas en piscina. O listado das seleccionadas para realizar as probas físicas publicarase o 25 de abril no taboleiro de anuncios do Igafa e na web da Consellería do Mar. A data de realización das probas físicas será o 28 de abril ás 16.00 horas. Unha vez superadas estas probas deberán realizar o test de compresión e tolerancia ao osíxeno hiperbárico, que terá lugar o 12 de maio ás 16.00 horas e as persoas candidatas que non superen esta proba quedarán automaticamente excluídas.
As persoas interesadas en matricularse nos cursos poden consultar os requisitos necesarios, a documentación que teñen que presentar, os criterios de selección e o material necesario para realizar os cursos na convocatoria publicada no taboleiro de anuncios do Instituto Galego de Formación en Acuicultura e na web da Consellería do Mar no seguinte enlace.

Relacionadas

A Xunta pon en valor o papel clave da arquitectura para avanzar nun urbanismo...

0
A directora xeral de Ordenación do Territorio e Urbanismo, Encarnación Rivas, participou hoxe en Sanxenxo no acto de entrega de diplomas dos premios Gran...

Máis de 400 persoas participarón na terceira edición do Congreso Mo_Cidade da Xunta de...

0
— Durante as súas tres xornadas celebráronse mesas redondas, conferencias, concertos, monólogos de humor e obradoiros — Fabiola García puxo en valor a importancia desta...

A Xunta e o concello Coirós destinan máis de 125.000 euros á humanización do...

0
— Esta actuación acometerase ao abeiro do chamado plan Hurbe, un programa impulsado polo Goberno galego co fin de axudar ás administracións locais a...

Un total de 180 persoas poderán beneficiarse dos tres novos cursos de mariñeiro pescador...

0
— Cada curso será tutelado por unha das tres escolas de ensino náutico-pesqueiro dependentes da Consellería do Mar e o período de prematrícula está...

A Xunta anima á veciñanza de Marín a aproveitar as próximas convocatorias de axudas...

0
— Heriberto García explicou os principais programas de subvencións que o organismo autonómico convocará este ano en materia de rehabilitación enerxética residencial — Tamén animou...

O novo Centro de Saúde de Mos que a Xunta instalará no antigo Rebullón...

0
― O conselleiro de Sanidade e a alcaldesa de Mos visitaron hoxe o centro de saúde desta localidade para dar a coñecer ao persoal...

Publicacións Relacionadas