En coordinación co Concello forcaricense, este cribado voluntario está a ter lugar no pabellón de Soutelo de Montes desde as 9:30 da mañá e rematará ao longo desta mesma xornada
Á dita iniciativa preventiva vaise convocar a traballadores de Axuda no Fogar e persoas que reciben dita asistencia -unhas 100 persoas- así coma efectuar cribado ao persoal e usuarios da Residencia Nuestra Señora dos Dolores desta localidade, colectivo que acada outras 120 persoas
A Xunta de Galicia, a través da xestión do Servizo Galego de Saúde, continúa hoxe no Concello de Forcarei con novos cribados poboacionais con PCR na área sanitaria de Pontevedra e O Salnés, cara a detectar o maior número posible de portadores asintomáticos, o que permitirá reducir a cifra de contaxios de coronavirus nesta localidade.
En coordinación co Concello forcaricense, este cribado voluntario está a ter lugar no pabellón de Soutelo de Montes desde as 9:30 da mañá e rematará ao longo desta mesma xornada. Á dita iniciativa preventiva vaise convocar a traballadores de Axuda no Fogar e persoas que reciben dita asistencia -unhas 100 persoas- así coma efectuar cribado ao persoal e usuarios da Residencia desta localidade, colectivo que acada outras 120 persoas.
Para levar a cabo esta iniciativa, a Administración Sanitaria Pública galega conta cun equipo de enfermaría, que efectúa tarefas de control e cumprimento das medidas de seguridade, controis da realización das tomas de mostras e información aos usuarios.
Proceso das mostras e notificación de resultados
Todas as mostras tomadas con PCR no Concello de Forcarei procesaránse no servizo de Microbioloxía do Complexo Hospitalario Universitario de Pontevedra e os resultados serán comunicados aos usuarios por SMS, sempre que o resultado sexa negativo.
No caso de resultar positivo, esta notificación comunicaráse de xeito individual a cada cidadán