O centro ofrece servizos como o de xeriatría, enfermería, fisioterapia así como tamén terapia ocupacional entre outros
O director xeral de Atención Socio Sanitaria, Antón Acevedo, visitou o centro e subliñou a importancia dos centros de día na mellora da calidade de vida das persoas maiores
O director xeral de Atención Integral Sociosanitaria, Antón Acevedo, visitou hoxe o centro de día de Sanxenxo, de titularidade municipal, coa finalidade de supervisar o bo estado das instalacións para a súa próxima apertura, prevista para o mércores 9 de xuño. Durante o acto celebrou a renovación da actividade do centro e puxo en valor a importancia que este servizo teñen día a día na atención e na mellora da calidade de vida das persoas maiores.
Este centro de día mantén a súas portas pechadas desde marzo de 2020 por mor da pandemia, e a partir da esta semana xa poderá volver a ocupar as 80 prazas que ten habilitadas para persoas maiores que teñan reducida a súa autonomía para as actividades da vida cotiá. A estes usuarios se lles ofrece unha atención integral para que manteñan a súa actividade física, social e psicolóxica.
Servizos de xeriatría, enfermería ou fisioterapia
Entre os servizos que ofrece este centro de día atópanse por exemplo o de xeriatría cunha atención diaria para o usuario, incluíndo o baño completo, así como o control de medicamentos ou mobilidade. Ademais ofrecen servizos de enfermaría, fisioterapia para a realización de desenvolvemento da función física entre outras actividades.
Por outra banda, ofrecen unha terapia ocupacional e socioculturais onde levan a cabo iniciativas orientadas a recuperar a parte cognitiva, psicomotriz, dinámica e rehabilitación persoal. Por último, este centro de día tamén pon a disposición dos usuarios un comedor, con servizo de comida, merenda e almorzo se é con causa xustificada.