Home Ourense O Pereiro de Aguiar A Xunta destaca no Pereiro de Aguiar a colaboración cos concellos no...

A Xunta destaca no Pereiro de Aguiar a colaboración cos concellos no impulso dos Centros de Información á Muller e no apoio ás vítimas da violencia de xénero

- Anuncio -

― A secretaria xeral da Igualdade, Susana López Abella, asistiu hoxe á xuntanza da mesa de coordinación contra a violencia de xénero do concello ourensá na que se debateron novas actuacións para loitar contra a violencia de xénero desde o eido local

― O Goberno galego mantén aberta ata o 2 de maio a convocatoria para que as entidades locais poidan contratar mulleres vítimas e axudalas na súa inserción laboral

A secretaria xeral da Igualdade, Susana López Abella, participou hoxe nunha nova xuntanza da mesa local de coordinación contra a violencia de xénero do Pereiro de Aguiar onde se abordaron, entre outras cuestións, propostas para loitar contra a violencia de xénero coa implicación de todos os axentes e para dar mellor resposta institucional ás vítimas.
Unha vez máis, a representante da Xunta lembrou o importante rol destes órganos que representan a todos os ámbitos municipais implicados, directa ou indirectamente, na loita contra a violencia de xénero. Dixo que as mesas son “claro exemplo” de que a colaboración entre institucións permite mellorar a resposta que se brinda á sociedade no eido da violencia de xénero e, particularmente, ás súas vítimas.
López Abella destacou, neste sentido, a colaboración Xunta-Concellos para o funcionamento dos Centros de Información á Muller (CIM), financiando a través dunha convocatoria ordinaria que sairá proximamente no Diario Oficial de Galicia, os seus gastos de persoal. “Este ano ademais a Consellería de Promoción do Emprego e Igualdade vén de resolver unha nova liña de axudas dirixida a que os 84 CIMs existentes en Galicia realizar melloras das súas infraestruturas”, destacou López Abella. O Concello do Pereiro de Aguiar percibiu neste marco máis de 16.400 euros para actuacións de rehabilitación e equipamento do seu CIM.
A secretaria xeral da Igualdade lembrou, por outra banda, que a Xunta de Galicia mantén aberta ata o próximo 2 de maio a nova convocatoria de axudas que, cun orzamento total de 2,2 millóns de euros, destina a sufragar a contratación neste 2023 de mulleres vítimas de violencia de xénero por parte de entidades locais (concellos, grupos de municipios, consorcios ou mancomunidades).

A liña publicada no Diario Oficial de Galicia financia a contratación das mulleres vítimas por parte dos entes locais ou agrupacións de municipios, para a realización de obras ou servizos de interese xeral ou social. “De resultar beneficiarios, recibirán a contía necesaria para sufragar as retribucións salariais brutas totais ata un máximo de 12 mensualidades”, recordou López Abella, quen considerou esenciais estes apoios para favorecer a inserción laboral futura no mercado de traballo destas persoas e axudalas na súa recuperación.

“É obxectivo da Xunta intensificar o traballo das mesas locais contra a violencia de xénero nos concellos que xa están constituídas e axudar á súa creación naqueles municipios nos que aínda non existen”, rematou a secretaria xeral.

Esta posibilidade está aberta aos 218 concellos que integran a Rede de entidades locais contra a violencia de xénero. Para favorecela, a Secretaría Xeral da Igualdade ten ao seu dispor cadanseus manuais de apoio, unha guía de carácter práctico para a constitución das mesas locais de coordinación interinstitucional contra a violencia de xénero; e unha segunda guía dirixida á dinamización dos órganos existentes.

Relacionadas

Trescentos deportistas participarán o domingo no Descenso do Miño, organizado polo Club Piragüismo Ourense...

0
Trescentos deportistas participarán o vindeiro domingo, 16 de xuño, na edición número 55 do Descenso do Miño, que converterá un ano máis a cidade...

A Xunta informa nunha xornada técnica sobre a nova normativa europea de máquinas que...

0
A xerente do Instituto de Seguridade e Saúde Laboral de Galicia (Issga), Adela Quinzá-Torroja, participou hoxe na apertura dunha xornada técnica en formato webinar...

Luis Menor presenta a súa candidatura á presidencia do Partido Popular de Ourense para...

0
· O candidato afirma que chegou o momento de seguir dando “novos pasos, en firme, con decisión, pero sen perder nunca a humildade”, e...

A Xunta de Local aprobou 20 acordos na súa sesión ordinaria desta semana

0
A Xunta de Goberno Local do Concello de Ourense aprobou 20 acordos na súa sesión ordinaria desta semana, que tivo lugar esta mañá no...

O convenio de Xantar na Casa e o expediente de contratación das luces de...

0
A Comisión de Pleno do Concello de Ourense ditaminou favorablemente, en sesión extraordinaria celebrada esta mañá, dous expedientes que o goberno municipal presentará a...

Ángeles Vázquez salienta que as 140 bandeiras de 2024 consolidan Galicia como exemplo do...

0
— Incide en que estes recoñecementos poñen en valor a costa, o patrimonio natural e a imaxe turística da Comunidade como destino sustentable e...

Publicacións Relacionadas