test
Home Valdeorras Carballeda de Valdeorras A Xunta destaca que o Grupo Cupa Avanza cara a produción intelixente...

A Xunta destaca que o Grupo Cupa Avanza cara a produción intelixente e sustentable da lousa

- Anuncio -

— O consorcio de empresas liderado por Cupa Innovación informou esta mañá do proxecto ‘Smart4slate: enfoque holístico para unha produción intelixente e sustentable 4.0 da lousa natural’, enmarcado no programa Fábrica Intelixente e Sustentable

— A directora da Axencia Galega de Innovación, Patricia Argerey, lembrou que está actualmente aberta a convocatoria 2023 que impulsa proxectos de I+D+i estratéxicos para o tecido industrial galego

A directora da Axencia Galega de Innovación, Patricia Argerey, asistiu hoxe en Carballeda de Valdeorras a unha xornada organizada polo Grupo Cupa, en colaboración coa empresa Técnicas de Soft e o centro tecnolóxico CETIM. Nela informouse dos resultados do proxecto Smart4slate: enfoque holístico para unha produción intelixente e sustentable 4.0 da lousa natural. Esta iniciativa, que persegue a transformación do proceso produtivo da lousa natural cun enfoque de Industria 4.0, recibiu o apoio do programa Fábrica Intelixente e Sustentable da Xunta de Galicia na convocatoria de 2020 e está cofinanciado con Fondos do Programa Operativo Feder Galicia 2014-2020.
Argerey destacou a contribución deste proxecto á transformación industrial do tecido produtivo galego, a través da dixitalización e automatización de distintos procesos e o desenvolvemento de produtos de alto valor engadido a partir de residuos da lousa. Deste xeito, o proxecto alíñase cun dos retos da Estratexia de Especialización Intelixente de Galicia 2021-2027 que é avanzar cara a un novo modelo industrial baseado no coñecemento e a innovación, así como coas prioridades da dixitalización e a sustentabilidade establecidas para este período.
O proxecto Smart4Slate, cun orzamento de máis de 3,5 millóns de euros e unha axuda pública de 1,75 millóns a través de fondos Feder, permitiu ao consorcio desenvolver distintas liñas de investigación aplicables ao sector da lousa como a dixitalización do proceso produtivo ou o control de calidade despois do labrado da lousa. En definitiva, favorecerá un incremento da produtividade e unha redución de tempos e de espazos, entre outras vantaxes.
A directora subliñou a importancia da colaboración entre distintos axentes do sistema galego de I+D+i, empresas e centros de coñecemento, co obxectivo de impulsar a transferencia e a transformación en valor económico e social da I+D+i. Así mesmo, apuntou que este proxecto se aliña coa Axenda da Minería Sustentable de Galicia 2030 na que a innovación tecnolóxica para acadar procesos produtivos máis eficientes é clave.
Por último, lembrou que segue aberto o prazo ata o 2 de outubro da convocatoria 2023 do programa de Fábrica Intelixente e Sustentable que apoia iniciativas de I+D+i de carácter estratéxico para o tecido industrial galego centradas no desenvolvemento de tecnoloxías dixitais e verdes. Esta liña de axudas, dotada con 24 millóns de euros nesta edición, está dirixida tanto a pemes como a grandes empresas, así como a organismos de investigación que desenvolvan proxectos de I+D en colaboración cunha ou varias compañías.
A través deste programa apóianse tanto proxectos de I+D como de innovación en materia de procesos ou organización co obxectivo de estimular que as empresas leven a cabo a súa I+D+i en Galicia, actúen como elemento tractor na mobilización e atracción de capital privado, impulsen a competitividade do tecido empresarial galego e favorezan a cooperación entre organismos de investigación e o tecido produtivo.

Relacionadas

A Xunta e o Clúster Galego de Solucións Ambientais estudan fórmulas de colaboración para...

0
Avalían diferentes iniciativas dirixidas a dar a coñecer as novidades tecnolóxicas no ámbito das solucións ambientais, así como as últimas innovacións no eido da...

A Xunta aborda coas federacións de transportes de viaxeiros por estrada os retos en...

0
― O conselleiro de Presidencia, Xustiza e Deportes, Diego Calvo, reunise xunto á directora xeral de Mobilidade, Judit Fontela, a representantes de Anetra-Galicia, Fegabus,...

A Xunta apoia a celebración do Noia Harp Fest para seguir diversificando a oferta...

0
O director de Turismo de Galicia presenta esta cita única no mundo especializada na arpa que reunirá artistas de Alemaña, Escocia, Francia, Senegal e...

A Xunta recoñece o traballo decentros de Abegondo, Santiego, Poio e Vigo en prol...

0
— A directora xeral de Ordenación e Innovación Educativa, Judith Fernández entrega o recoñecemento ao Colexio CEIP Plurilingüe Seis do Nadal, de Vigo — Tamén...

Anxo M. Lorenzo gaba a capacidade do alumnado de primaria e ESO para achegarse...

0
O director xeral de Cultura participou na entrega dos premios do IX Concurso de Debuxo Picasso, organizado pola Asociación da Prensa da Coruña co...

As Festas de Ourense requirirán realizar cortes de tráfico na rúa do Progreso (Alameda),...

0
A Policía Local do Concello de Ourense informa do dispositivo de tráfico para a celebración, desde pasado mañá, mércores, 19 até o domingo, 23...

Publicacións Relacionadas