Home Xunta de Galicia A Xunta e os oito centros de investigación universitaria punteiros preparan un...

A Xunta e os oito centros de investigación universitaria punteiros preparan un plan para ampliar o seu labor

- Anuncio -

Román Rodríguez avoga por “accións coordinadas para consolidar a excelencia e incrementar o impacto social” do labor destes equipos que contan con 1.400 científicos

A Xunta e os oito centros de investigación universitaria punteiros de Galicia que integran a Rede de Centros de Investigación do Sistema Universitario de Galicia (CIGUS) preparan un plan de traballo centrado no reforzo de actuacións estratéxicas, de actividades de networking con outros sistemas de investigación, na formación do persoal investigador e de xestión e na incorporación da perspectiva de xénero na xestión dos centros e o deseño da investigación, entre outros.

Oconselleiro de Cultura, Educación, FP e Universidades, Román Rodríguez, mantivo esta semana unha reunión con todos eles na que se abordou o plan de financiamento para os vindeiros anos, cuestión na que a Xunta referendou o seu compromiso de investimento público que dará continuidade aos máis de 36M€ investidos nestes centros desde o ano 2016.

Román Rodríguez destacou a importancia da posta en marcha de “accións estratéxicas e coordinadas” entre estes centros punteiros xa que isto “contribúe a consolidar a súa excelencia, incrementar o seu impacto social e situar o sistema de investigación universitario galego como referente científico no panorama nacional e internacional”.

I+D+i máis forte e competitivo
Precisamente para impulsar esta coordinación e cooperación, a Xunta de Galicia vén traballando coas universidades no impulso de iniciativas enfocada a acadar unha estrutura de I+D+i máis forte e competitiva, que atraia talento e, de xeito paralelo, mellore a posición das universidades nos ránking internacionais. Neste contexto creouse a Rede CIGUS, integrada polos mencionados centros, que son obxecto dun financiamento estrutural por parte da Xunta, o que lles garante o seu funcionamento a medio e longo prazo.

Na xuntanza de traballo estiveron representados os equipos directivos do Centro de Investigación en Tecnoloxías da Información e as Comunicacións (CITIC), do Centro de Investigación en Medicina Molecular e Enfermidades Crónicas (CIMUS), do Centro de Investigación en Química Biolóxica e Materiais Moleculares (CIQUS), do Centro de Investigación en Tecnoloxías Intelixentes (CITIUS), do Instituto Galego de Física de Altas Enerxías (IGFAE), do Centro de Investigación en Tecnoloxías de Telecomunicación (ATLANTTIC) do Centro de Investigación Mariña (CIM) e do Centro de Investigacións Biomédicas (CINBIO). Estes centros concentran preto de 1.400 científicos e 24 spin-offs desenvolvidas no período 2019-2021.

Así mesmo, interviron como representantes do Grupo de Traballo de Alto Nivel Carmen Vela, investigadora e ex secretaria de Estado de Investigación; Lluís Rovira, director dos centros de investigación de Cataluña, e Luis Sanz-Menéndez, investigador do Instituto de Políticas y Bienes Públicos do CSIC.

Relacionadas

Rueda destaca o patrimonio cultural, a paisaxe e a gastronomía como principais atractivos turísticos...

0
― Resalta que cómpre “coidar e facer sostibles” os elementos que identifican á comunidade porque o turismo “é unha parte moi importante da economía”...

A Xunta convoca axudas por 1,63 millóns de euros para impulsar proxectos de conservación...

0
— Ángeles Vázquez anuncia que desde mañá xa se poden pedir subvencións para obras, proxectos e campañas de sensibilización nestes espazos por importe de...

A Xunta destaca o papel do Programa Mentor na formación e emancipación de adolescentes...

0
O obxectivo é facilitar a mozos que están no sistema de protección as ferramentas que necesitan para que poidan desenvolverse tanto persoal como profesionalmente O...

Un total de 431 colexios e institutos desenvolven clubs de lectura grazas ao...

0
— Este curso sumáronse 53 novos centros a esta iniciativa da Consellería de Educación, que financia con 400.000 € a adquisición de fondos e...

Medio milleiro de persoas obtiveron ou renovaron o ano pasado a habilitación como persoal...

0
A través dos cursos de seis horas realizados na Academia Galega de Seguridade Pública para adaptarse aos requisitos esixidos no decreto que regula as...

A Xunta aposta pola conservación de monumentos naturais de Galicia como a Praia das...

0
As rexistradas ata o momento roldan esa cifra, polo que se agarda que, malia as malas previsións meteorolóxicas, o número final se achegue á...

Publicacións Relacionadas