Os técnicos do Plan de Control de Vertidos de Augas de Galicia localizaron estes focos contaminantes nunha inspección rutineira
O persoal autonómico realizou un seguimento dos puntos, en colaboración cos técnicos do Concello, coa finalidade de emendar os focos contaminantes
A Xunta vén de eliminar dous puntos de vertido de augas residuais na contorna dos ríos Callou e Maior, no concello de Bergondo.
Os técnicos do Plan de Control de Vertidos de Augas de Galicia localizaron estes focos contaminantes nunha inspección rutineira.
O primeiro punto localizouse no lugar da Fraga, na parroquia de Cortiñán, e correspondíase cun vertido á cuneta a través dunha condución que desaugaba as augas residuais xeradas en varias vivendas do lugar.
O segundo foco estaba situado no lugar de Armuño, na parroquia de Lubre, e tiña orixe en conexións irregulares a un colector de evacuación de augas pluviais.
O persoal de Augas de Galicia realizou un seguimento dos puntos, en colaboración cos técnicos do Concello, coa finalidade de emendar os focos contaminantes.
O Concello realizou actuacións orientadas a solucionar as carencias que provocaban estes vertidos.
Os técnicos autonómicos levaron a cabo unha nova inspección nas zonas indicadas, verificando a eliminación dos puntos de vertido tras a corrección das acometidas erróneas.