Os técnicos do Plan de Control de Vertidos de Augas de Galicia localizaron este foco nunha inspección rutineira
Augas de Galicia solicitoulle a adopción de medidas ao Concello, que procedeu ao desentullo da entrada do sistema de depuración municipal na entorna do rego
Os inspectores autonómicos levaron a cabo unha nova inspección na zona, confirmando a emenda do vertido
A Xunta vén de eliminar un punto de vertido de augas residuais sen depurar ao rego da Ponte Ribeira, no concello de Ordes.
Os técnicos do Plan de Control de Vertidos, que desenvolve Augas de Galicia, localizaron este foco nunha inspección rutineira.
O persoal da Xunta comprobou que o vertido se orixinaba como consecuencia dun atranco no sistema de depuración existente na entorna do rego, o que producía que as augas residuais brutas non chegasen a penetrar nos dispositivos de tratamento e acadasen directamente o dominio público.
Augas de Galicia solicitoulle ao Concello a realización das actuacións necesarias para eliminar este aporte contaminante.
O Concello de Ordes procedeu ao desentullo da entrada do sistema de depuración a través da empresa concesionaria do servizo municipal de saneamento.
Os técnicos do Plan de Control de Vertidos levaron a cabo unha nova inspección de seguimento, confirmando a emenda do vertido.