A Xunta entrega en Allariz os premios da 9ª Campaña da Iniciativa “Merca no teu Mercado” en Ourense

• O director xeral de Comercio e Consumo, Gabriel Alén, participou hoxe no acto no que se repartiron 20 tarxetas prepago de 50 euros entre as persoas participantes
• Actuamente está en marcha unha nova edición do proxecto no concello de Barbadás, que remata o vindeiro 30 de outubro

O director xeral de Comercio e Consumo, Gabriel Alén, participou esta tarde na entrega de premios da 9ª edición quincenal do programa Merca no teu comercio na provincia de Ourense, unha iniciativa impulsada pola Xunta de Galicia en colaboración coa Federación Galega de Comercio e que neste caso se desenvolveu en Allariz. Concretamente, no acto de hoxe — no que tamén estiveron presentes a presidenta da Federación de Comercio de Ourense, Beatriz Gómez, e a alcaldesa do municipio, Cristina Cid— repartíronse 20 tarxetas prepago de 50 euros entre as persoas participantes, que poderán empregadas nos establecementos locais adheridos ata o vindeiro 31 de decembro.

Alén destacou o papel desta campaña como motor económico e social nas vilas rurais, especialmente en territorios cun menor asociacionismo, e sinalou que actuamente está en marcha a décima edición do proxecto no concello de Barbadás, que remata o vindeiro 30 de outubro.

Ademais, enmarcou o programa Merca no teu comerio no Plan estratéxico do comercio de Galicia 2025-2030 que busca fortalecer un sector comercial moderno, competitivo e preparado para responder ás novas tendencias de consumo, ao tempo que se recoñece o seu peso como xerador de emprego e riqueza e como elemento clave para a vertebración do territorio.