Home Pontevedra Deza A Xunta impulsa o encontro arredor do sector da enerxía e do...

A Xunta impulsa o encontro arredor do sector da enerxía e do eido local co apoio ás Feiras Enerxétika e ExpoMunicipal que comenzan hoxe en Silleda

- Anuncio -
  • A directora xeral de Administración Local, Natalia Prieto, e o director xeral de Planificación Enerxética e Recursos Naturais, Pablo Fernández Vila, participaron na inauguración dos eventos
  • A dobre cita desenvolverase na Feira Internacional de Galicia ABANCA ata o sábado, con 520 firmas de 24 países e un amplo programa de actividades

A directora xeral de Administración Local, Natalia Prieto, e o director xeral de Planificación Enerxética e Recursos Naturais, Pablo Fernández Vila, participaron na inauguración da cuarta edición da feira da enerxía Enerxétika e da  estrea da feira de servizos municipais ExpoMunicipal, que comezaron hoxe na Feira Internacional de Galicia ABANCA. A dobre cita desenvolverase ata o sábado con 520 firmas de 24 países e un amplo programa de actividades. 

Segundo sinalou a directora xeral de Administración Local, ExpoMunicipal nace “cunha vocación clara de servir os concellos galegos”. O evento, apuntou, ofrécelles aos xestores municipais un punto de encontro onde afondar na oferta de solucións existente no mercado para a prestación duns servizos de calidade á veciñanza, grazas aos máis de 70 expositores directos, procedentes de seis países. A maiores, suporá tamén un foro de intercambio de experiencias e coñecementos, especialmente a través do congreso Concellos 2030 que integra e no que se abordarán temas como o ciclo da auga, a mobilidade urbana, o aforro enerxético ou a xestión dos residuos.

Por outra banda, Natalia Prieto destacou o interese da conxunción de ExpoMunicipal e Enerxética para os seus respectivos sectores polas sinerxías entre ambas as temáticas, xa que a eficiencia enerxética está entre as principais preocupacións entre as administracións locais. Nesta liña lembrou o apoio da Xunta aos concellos para impulsar medidas que favorezan o aforro e o confort nas súas instalacións, con liñas de axuda como a Orde de infraestruturas de uso público, o Fondo de Compensación Ambiental, o fondo adicional do Fondo de Cooperación Local ou a nova orde plurianual destinada especificamente a obras de mellora enerxética. Todas elas suman un orzamento de case 22 millóns de euros.

Galicia, referente en renovables

O director xeral de Planificación Enerxética e Recursos Naturais, e director do Instituto Enerxético de Galicia, Pablo Fernández Vila, tamén estivo presente na inauguración da feira, que definiu como un espazo de converxencia entre empresas, institucións, profesionais e consumidores nun contexto de vital importancia para o sector.

Fernández Vila sinalou que é un evento necesario en Galicia por ser un referente en enerxía renovable. E lembrou que así o constatan os datos de xeración eléctrica de 2023, que indican que a produción renovable na Comunidade aumentou un 23,9% respecto ao ano anterior, ata acadar o 75,3% de toda a electricidade xerada en Galicia o pasado ano, a terceira porcentaxe de participación das renovables no mix enerxético rexional máis alto de España.

Relacionadas

O Concello de Nigrán insta ao Parlamento a que tramite de xeito urxente unha...

0
María Jesús Seoane, vicepresidenta de AGAELA e ex-traballadora do Concello de Nigrán , leu a moción ante a ovación dos seus antigos compañeiros e...

Covelo felicita a Leonor polo seu 101 aniversario

0
Leonor cumpre hoxe 101 anos na compaña do persoal da residencia de maiores de Covelo e das e das residentes. Esta veciña de Sabarís,...

Marín ruxirá esta fin de semana coa celebración en Briz do Ruxe Marín

0
Axe Bahía Batucada presentaron o evento xunto coa concelleira de Festas, Marián Sanmartín.  A Asociación Cultural Axé Bahia Batucada presentou xunto coa concelleira de Festas,...

Os xogos de auga do Paseo Alcalde Blanco volverán estar activos esta fin de...

0
A brigada municipal de Augas está estes días poñendo de novo en funcionamento o sistema, que non supón gasto de auga dado que se...

A Deputación remarca a pegada de “Sempre en Galiza” na cultura galega nas xornadas...

0
Rafa Domínguez recordou que o manuscrito orixinal “dun dos testemuños máis destacables da actividade de Castelao, no que da voz ao momento que vivía...

EuRural e o Xeodestino Ría de Vigo e Baixo Miño brillan baixo os focos...

0
Durante tres días o público puido visionar os vídeos promocionais da campaña ‘Vivir experiencias, compartir territorio’ e a contraportada do Canzine destacou o proxecto...

Publicacións Relacionadas