― Na provincia de Ourense, continuarán as tarefas de limpeza xa iniciadas na estrada OU-801, nos concellos de Padrenda e de Ribadavia
― Proseguirán os labores na autovía AG-59, en Teo; e na vía de altas prestacións CG-2.1, entre Monforte de Lemos e o Alto do Faro
― Na provincia de Pontevedra avanzarán as intervencións nas vías de altas prestacións VG-4.5, en Moaña e Cangas; e na VG-4.7, en Carril e Baión
― O Goberno galego leva investido 8,3 M€ desde 2018 en actuacións de control da biomasa nas marxes das estradas autonómicas, a través da encomenda á empresa pública Seaga
A Xunta iniciará esta vindeira semana traballos de roza e limpeza nas marxes da estrada OU-533 ao paso polo concello da Gudiña.
Continuarán, ademais, na provincia de Ourense as tarefas de limpeza xa iniciadas na estrada OU-801, nos concellos de Padrenda e de Ribadavia.
Na provincia de Lugo continuarán os traballos na vía de altas prestacións CG-2.1, entre Monforte de Lemos e o Alto do Faro; e na estrada LU-152, que conecta Foz e Ferreira de Valadouro.
Estas intervencións tamén proseguirán nas vías autonómicas da provincia da Coruña, concretamente na autovía AG-59, en Teo.
Na provincia de Pontevedra seguirán as tarefas iniciadas nas vías de altas prestacións VG-4.5, en Moaña e Cangas; e na VG-4.7, en Carril e Baión.
Control de biomasa e seguridade viaria
Estas actuacións, impulsadas pola Consellería de Infraestruturas e Mobilidade, enmárcanse no contrato coa empresa pública Seaga, cun investimento de máis de 2,2 millóns de euros, para o control da biomasa das marxes das estradas autonómicas.
As novas accións de conservación nas vías de titularidade da Xunta permitirán a roza mecánica de máis de 2.600 quilómetros lineais e actuar nunha superficie de máis de 188.500 metros cadrados de xeito manual.
Como novidade, prevese a reposición de 7.500 metros de valado en vías de alta capacidade que se poida danar nos labores de despexe ou roza. A reposición realizarase con valado reforzado para aumentar a protección da estrada fronte á entrada de animais.
Con esta nova encomenda, desde o ano 2018 tense investido 8,3 M€ nas actuacións de control da biomasa nas marxes das estradas autonómicas.
