test
Home A Coruña A Xunta inviste preto de 1,8 M€ nas obras de mellora da...

A Xunta inviste preto de 1,8 M€ nas obras de mellora da rede de saneamento da parroquia de Queiruga, en Porto do Son

- Anuncio -
  • Os traballos, que rematarán a finais de ano, beneficiarán a dous núcleos de poboación e supoñen a dotación dunha estación depuradora, a instalación dunha nova rede de colectores e as correspondentes estacións de bombeo e impulsións
  • A nova EDAR terá capacidade para atender unha poboación equivalente de máis de 1.500 habitantes, por enriba das necesidades actuais da área á que dá servizo

A Xunta de Galicia está a investir preto de 1,8 millóns de euros nas obras de mellora da rede de saneamento da parroquia de Queiruga, no concello coruñés de Porto do Son.

A conselleira de Medio Ambiente e Cambio Climático, Ángeles Vázquez, visitou hoxe a zona e explicou que o obxectivo é que os traballos -que beneficiará a todo o núcleo de Queiruga e á maior parte do de Tarrío, que agora mesmo carecen de servizo de saneamento- estean rematados a finais de ano.

A responsable autonómica, que estivo acompañada polo director de Augas de Galicia, Roi Fernández, e polo alcalde do municipio, detallou que a obra consiste na dotación dunha Estación de Depuradora de Augas Residuais (EDAR) no lugar da Ponte, a instalación dunha nova rede de colectores de augas residuais de 3.400 metros de tubaxes e a posta en marcha das correspondentes estacións de bombeo e impulsións.

Esa EDAR terá capacidade para atender a unha poboación equivalente de máis de 1.500 habitantes, o que supón que estea preparada para afrontar posibles incrementos futuros -sexan estables ou puntuais- da poboación existente nos núcleos desa parroquia.

As novas instalacións, cofinanciadas co Fondo Europeo de Desenvolvemento Rexional, comezarán a dar servizo aos veciños a finais de ano e, tralo correspondente período de proba para comprobar o seu correcto funcionamento, serán entregadas ao Concello de Porto do Son para a súa xestión.

Mellora da rede

Ángeles Vázquez salientou que esta actuación se enmarca na estratexia da Xunta de mellora continua das redes de abastecemento, saneamento e depuración existentes na comunidade co obxectivo de mellorar a calidade das augas galegas no seu conxunto.

De feito, este compromiso reflíctese nos orzamentos do Executivo galego para este ano, no que mobilizará un total de 85 millóns de euros en distintas actuacións de saneamento e depuración de augas -incluíndo a explotación de 27 depuradoras cuxa xestión foi cedida á Xunta polos concellos- e 23 millóns de euros na mellora dos sistemas de abastecemento municipais.

Nesta liña, a titular de Medio Ambiente e Cambio Climático incidiu en que este esforzo contribúe a que Galicia avance a bo ritmo cara ao cumprimento dos obxectivos de desenvolvemento sustentable (ODS) marcados a nivel global pola chamada Axenda 2030, situándose xa en todos eles por riba dos resultados a nivel nacional.

De feito, no caso do apartado de Auga limpa e saneamento (ODS número 6) experimentou avances notables dándose por conseguida esta meta grazas a medidas impulsadas pola Xunta como os Plans de xestión da auga de Galicia para acadar servizos de subministración e depuración axeitados e equitativos ou outros documentos de planificación para facer fronte a aspectos como a seca, o risco de inundacións ou o aproveitamento hidroeléctrico dos recursos naturais.

Relacionadas

O Concello renova o convenio nominativo coa Asociación Ecos do Sur para mellorar a...

0
A entidade recibirá 25.000 euros da área de Emprego para os seus programas de inserción laboral A alcaldesa, Inés Rey, e a presidenta da Asociación...

Máis de 160.000 persoas celebran o San Xoán nas praias e rúas da cidade

0
Os futbolistas do Dépor Lucas Pérez e Henar Muiña, con Carlos Ballesta, familiares de Luisa Villalta e Alenjandro Hernández do Básquet Coruña, acenderon a...

Arde un vehículo na urbanización Riotorto, na parroquia de San Xoán, en Carballo

0
Os bombeiros do parque Comarcal Provincial de Carballo foron alertados hoxe, domingo 23 de xuño, ás 00:45 horas, dun vehículo ardendo na urbanización Riotorto,...

O Pico Sacro recupera a lendaria Cerimonia do Lume Sagrado tras 4 anos de...

0
O Pico Sacro foi este mediodía escenario da lendaria Cerimonia do Lume Sagrado, despois de catro anos de ausencia, primeiro pola pandemia e despois...

Marta Álvarez insta ao goberno local a impulsar actividades divulgativas para previr o sobrepeso...

0
Lembra que, segundo o Plan Municipal de Saúde do Concello, encargado polo goberno socialista no 2022, o 20,3% da poboación é fumadora activa e...

A Xunta aborda coa Asociación para a promoción de actividades de integración sociolaboral en...

0
— O conselleiro de Emprego, Comercio e Emigración, José González, acompañado da directora xeral de Traballo Autónomo e Economía Social, Marta Mariño, vén de...

Publicacións Relacionadas